يا فصل الشتاء طالت عليه لياليك=وبردك دخل يا فصل صم العظام ِ
يا برد الشتاء وشلون بالله بدفيك=بعد ما تغير منك حتى كلامي
وأنا من قديم الوقت والله مادانيك=لكنك تسلل مثل فعل الحرامي
سرقت الدفا مني عسى الله يجازيك=وطيرت عن عيني لذيذ المنام ِ
على تكوتي بالليل كله مخاويك=اسلي لروحي بالشعر والحلام ِ
تذكرت وقتٍ(ن)فات قبل حراويك=قبل لا تسم الحال وأشكي سقامي
وتذكرت عمرٍ(ن)راح قبل التهاليك=قبل لأشتكي من سلطتك يا ملام ِ
لكن ما مضى صعبٍ(ن)تطوله بأياديك=رحل عن حياتي قبل عشرين عام ِ
لكني على ما قيل مجبور أخاويك=لو إنك بعيني فاقدٍ(ن)لإحترامي
يا فصل الشتاء طالت عليه لياليك=وبردك دخل يا فصل صم العظام ِ