أستطيع أمنع لسانـي لايقـول=واستطيع أمنـع عيونـي لاتـرى
واستطيع أمنع يديني لاتنـول=وامنع اذني عن سواليـف الـورى
لكن المشكل أنا وش لون أحول=دون فكري لو خيالـي بـه سـرى
شارد افكاري على رغمي تجول=كلمـا عـن الهـوى والا طــرى
كل نجم للخيال أصبـح ذلـول=بالفلك طواف لـى ضـاق الثـرى
شاغلي ياراعي الطرف الخجول=باع حبك فـي خفوقـي واشتـرى
ياربيع القلب في كل الفصـول=ورد حبـك فـاح عطـره وازهـرا
مرني طيفك على العاده عجول=عـزً طيفـك مثلمـا عـزً الكـرى
مانفع تحذيري القلب الجفـول=يرقـد الخالـي وعينـي تسهـرا
باسألك قل لي : ولوفيها فضول=كيف تذبح من يشوفـك مـادرى؟