حان الــــــــوداع وجاوبت دمعة العين =تجــرح بساتين الخدود النديه ،،،
وغضت وشفت بعينهـا الحــزن حزنين =وصاحت على الفرقا أنا مو قـــويه ،،،
وجاوبتها أرجووووك تكفين..تكفيــــن =واللــــه دمعك يشعل النــــار فيه ،،،
وقالت :تعاهدني عهاد المحبيـــــن =الله يخووووون اللي يخوووون خـــويه ،،،
قلت أبشـــري واللي خلق لاتظنين =حر1م ماغيرك عشقـــــت آدميه ،،،
وقصت شعرهـــا ،،،قلت أنا وش تسوووين؟=قالت أبي من غرتي لك هديــــه ،،،
ونادتني الغربه على الهم والبين =أحسب الأيام روحه وجيه ،،،
وفي كل ليله ترتسم بين رمشين =خيالها بين الرموووش الشقيه ،،،
غربة سنه في ذمتي غربة سنيـــن =متى على الله يلتقي الحي حيه ،،،
خلاص هانت مابقى غيريووومين=خلاص قفت غربه جرهديه ،،،
ورجعت شوقي في خفوقي بر1كين =ورجعت أناكلي لها جاذبيــــه ،،،
وسألــت ماردوا ؟وأناأصيـــح هــي ويــــن؟=وكل (ن)نثر من داخل العين ميه ،،،
وفي معمة حزني تلقيت رمحين =قالوا :توفـــــت غافلتها المنيه ،،،
وفي غرغرتها ماذكرت غير حرفين =تشهدت بأسمـــــك شفاة البنيه ،،،
وتزاحمت في داخلي ألـــ1000ـــف سكيـــــن =والحزن يطويني ثمانين طيه ،،،
صـــــدمه وجابتني على الأرض نصفين =وشلووون راحت دون ذنب وخطيه ؟ ،،،
تكفووون دلوني على القبر هالحين =ماعاد فيني للصبر مقدريه ،،،
ووقفت أطالع قبرها بين نصبين =وجلست أضم أغلى النصايب عليه ،،،
وأصيح وش بك ياغلاي ماتردين =إشتقت همس شفاهك النرجسيه ،،،
وش فيك جيت من السفر ماتهلين ؟=ماهي بلك عاده ولاإنتي رديه ،،،
وحاولت في لحظه أجرح الدين =وأزيح تربة قبـــــــرها في يديه ،،،
وبالغصب شالوووني حشى تقل مسكين =وأصرخ بهم واللـه واللـه حيه ،،،
وقفت وتاهت بي جميع العناوين =والحزن يلعب داخلي سامريه ،،،
ورجعت لدروب الشقى بعد عامين =مدري من اللي صار فيناضحيـــه