القوافل العربية

القوافل العربية (https://www.alqwafel.com/vb/index.php)
-   قوافل الشعر الشعبي (النبطي) (https://www.alqwafel.com/vb/forumdisplay.php?f=15)
-   -   قصيدة لــ مطلق الثبيتي (https://www.alqwafel.com/vb/showthread.php?t=3604)

صقـر عتيبـة 02-02-2008 09:15 AM

قصيدة لــ مطلق الثبيتي
 
أختـار سمحـات الـدروب النظيفـة = أللي غسلها رايـح المـزن برشـاش
يمشونهـا قـوم النفـوس الشريفـة = أللي ضمايرهـم نقيـة كمـا الشـاش
بيوتهـم مثـل القـصـور المنيـفـة = ماهي لطير البوم غيـران وأعشـاش
وإحلالهـم للضيـف دايــم مريـفـة = لو رجلهم يسرح ويضوي على مـاش
والرجـل منهـم مايخـلـي رديـفـة = إن مات غيره مات وإن عاش له عاش
وإن مات منهم رجـل عقـب خليفـة = يطعن نحـور القـوم ويـرد الأدبـاش
يعرف هدف روحـه ويعـرف وليفـه = مايعـرف الخونـه ولاهـو بغشـاش
وإليـا رزقـه الله بـعـذراُ عفيـفـة = يحطهـا مابيـن نونـه والأرمــاش
ماهو على الخفـراات يستـل سيفـه = ولاطالعوفيـه الرياجـيـل ينـحـاش
حلـو النبـا سمـح المحيـا لضيفـه = ويصير لـه خـادم مسخـر وفـراُش
وإن مـد مامديـة يمينـه قصيـفـة = مـدة يمينـه تبهـر الخبـل والـلآش
وليـا هـرج تلقـى علومـه طريفـه = ماهـو لهفـوات المناعيـر منقـاش
وإن شبـت النيـران ماهـو بليـفـه = في ساعة الكربة سـواري ورشـاش
سـدة بعيـد ولاحـد يلحـق غريفـة = ماهو لعرض مكـرم العـرض نهـاش
الشوك فـي جنبـه سـواة القطيفـه = إن كان ملـه بيـت مامـون وفـراش
مايرتكـي فـوق الخبـول الضعيـفـه = اللـي ليـا حركتهـا قدرهـا طـاش
وصحيفتـه ياطيبهـا مـن صحيـفـة = إلهـا مـع العقـال كاتـب ونـقـاش
حـاز المراجـل والمراجـل كليـفـة = ألا على إللـي كـل مارامهـا هـاش
وإن شاف له في جانب القـوم خيفـة = تلقـاه للخيفـه مهـاجـم وبـطـاش
الصـدق والمعـروف والطيـب كيفـه = يغبش لها مع طلعـة الفجـر مغبـاش
للحمـل ماتلقـى جنـوبـه ضعيـفـة = حوله بـروق تبهـر العيـن وإفـلاش
يصبر علـى جرحـه ويمسـح نزيفـه = طبه بشبه خير مـن طـب الأحبـاش
ولاهـو كمـا سبـع سنونـه ضعيفـه = دايـم يلحسهـا وللعـظـم عــراش
وإن شاف له في غيبة النـاس شيفـه = ماهو بخبـل لأخضـر العـود قـراش
دنيـاه لـن صـارت ذلـول عسيفـه = طـوع عليهـا كـل عاصـي ونفـاش
وإن كـان قفـت ماعليهـا حسيـفـة = ماهو ورا هـوج المعاصيـر قشـاش
وإن جاع ماوقـع كمـا طيـر جيفة = وإن عري مايلبس سماليـل وإخيـاش
وإن جـا نهـار كـل قــرم يعيـفـه = ماهو ليا ثارت علـى القـوم رمـاش
الكذب يعـروف بيـن الأجـواد زيفـه = والصدق مثل السيف صاطي وحشـاش

النجـــــم 02-02-2008 11:47 AM

رد: قصيدة لمطلق الثبيتي
 
مشكور الله يعطيك العافية

رحم الله مطلق

شاعر الحلبتين

لك

تقديري

الفارس 02-02-2008 11:50 AM

رد: قصيدة لمطلق الثبيتي
 
صح لسانه

الله يرحم مطلق الثبيتي

ابن عميش 03-02-2008 02:06 AM

رد: قصيدة لمطلق الثبيتي
 
مشكور اخي صقر عتيبه على النقل الرائع .............. والله يرحم الشاعر مطلق الثبيتي .... وتقبلوا تحياتي

دليل القوافــل 03-02-2008 05:05 AM

رد: قصيدة لمطلق الثبيتي
 
الف شكر لك على النقل المميز


رحم الله مطلق


لك

تقديري

صقـر عتيبـة 03-02-2008 12:02 PM

رد: قصيدة لــ مطلق الثبيتي
 
مشكوووورين أخوانين على الردود الجميلة التي أنعشت موضوعي



تـــحـــيـــااااااااااااتي لــــــكــــــم




صقـر عتيبـة

نجم العرب 04-02-2008 12:22 AM

رد: قصيدة لــ مطلق الثبيتي
 
مشكور على النقل المميز

قصيدة راااااائعة

رحم الله

مطلق

لك


تقديري

صقـر عتيبـة 05-02-2008 04:38 PM

رد: قصيدة لــ مطلق الثبيتي
 
نجم العرب



مشكووووور على الرد الجميل


لك تحياااااااااااااااااتي


صقر عتيبة

عساف الأصائل 20-02-2008 05:27 PM

رد: قصيدة لــ مطلق الثبيتي
 
الله الله

قصيدة رائعة

رحم الله مطلق

وسلمت يمينك

لك

تقديري

صقـر عتيبـة 28-02-2008 01:28 PM

رد: قصيدة لــ مطلق الثبيتي
 
عساف الآصائل


مشكوووووور على الرد الجميل



لك تحيااااااااااااتي



صقر عتيبة


الساعة الآن 10:53 AM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi

الحقوق للقوافـل العـربية: جوال الرسائل 966553850455+

a.d - i.s.s.w