السلام عليكم ورحمة الله وبركاته

نظرا لما حصل بيني وبين الشاعر الكبير سلمان الحافي من محاوره شيقه ولكن الشعر كما تعلمون حسنه حسن وقبيحه قبيح فلابد من الشاعر حتى لوحكم اعصابه ان ينزل اذا بدر من خصمه بادره لذلك انا اعتذر لكل من شاهد المحاوره ومن حقي عليهم الرجوع ليتاكدوا من الذي بدا بالنزول ويقيموا الفاظ المحاوره

الله يحييك ياشاعر سليم النبيه=دام السوالف عوافي ماش شيء مخسور
أخذت ماجوبكم واللي تبونه نبيه=لكن طير الحبارى طب له في صقور

الله يبقيك يامذن وانا اللي فقيه= مار الثمينه مكاسبنا وحنا نمور
ناديت بالصوت واثر اللي ننادي صقيه= حذرا تغط الحقيقه والكلام مخبور

يا ناقة سليم ضرعك لامتلا إحلبيه=خلي سليم الفقارى تغتبق بالقدور
وإن كان ضاقت سليم حصيلك وإشربيه=الناس ما تأكل اليومه لحوم الجزور

ثمن كلامك ترى النقاد تاتقتفيه= قدام اشغل رحاتي فوق حبك تدور
سليم ميقافها ياصاحبي تحتميه= اما انت اظنك بليا عرف واضا شعور

أنا كلامي جميعه يالسليمي نزيه=ودك تصلي صلاة بلا وضوء وعفور
من جالنا من خلافه طبعنا نرتبيه=ومن شاف نفسه ترانا نبيته بالقبور