هذاك المار قدامي وله نظرات قتـاله=له سكسوكتن حلوة بأقصى الوجه مرتسمه
حرمني النوم في ليلي حرمني النوم عقباله= يحس الشوق في صدره ذبحه وزاد في همه
أحب أمه أحب عمه أحب جده وأحب خالـه=أموت بنظرة عيونه وأعشق كل حروف اسمـه
أحب جدهِ وأحب هزله أذوب وحالتي حاله=وإذا يطروه قدامـي أحس بداخلي صدمه
ذبحني بكثر ما اشتاقه ذبحني بكثرة أشغاله=شغلني جنن قليبي فصلني من على الخدمه
يا ليت أقدر أصيــر بيوم شيّ دايم اقباله=وراه بكل مكان يروح شيّ غالــي يهمه
يا ليتني ساعةٍ بيده أو أرقامآ بجواله=يطقطقني على كيفه ولا أحفظ سوى رقمه
أنا ادري انه يعاني وأدري صعبه أحواله=قلبي ما يطاوعنـي يبي دايــم اهو يمه
أنا ما يهمني ربعه وعذالـي وعذاله=احبه بكل جنون الحب والإحساس والذمه
صحيح انه يكذبني وظنونه على بالـه=لكني بعلمه كيف هو دمي وأنا دمـه
يقول اني أنا أنسى فال الله ولا فالـه=لو بنسى أن نفسي ما انسى أبد رسمه