قصيدة عجبتني بهديها لكم اعضاء وزوار المنتدى الراقي
انت الغلا يا نبض قلبي والاحساس=
حتى ولو كمل الغلا فانت ساسه=
انت الوفا يامنبع الطيب والساس=
ويش الوفا يسوى معك وانت راسه=
انت الهوى منك الهوى صار نبراس=
نبراس يتفاخر على كل ناسه=
انت الحلا معدوم زينك في الناس=
منك الحلا يازين ماخذ لباسه=
انت الجميل اللي معه طرف نعاس=
طرف العيون اللي على القلب باسه=
انت الانيق بذوق راقي وحساس=
باسلوبك الجذاب جوك وناسه=
انت الوسيم وتاج تصلح على الراس=
وكل البنات اليوم حولك حراسه=
انت العشيق اللي عطا الحب نوماس=
مكنت حبك بالذكا والفراسه=
انت الوليف وشارب المر بالكاس=
جرعتني مر المحبه بكاسه=
انت الغرام اللي عطا القاف هوجاس=
هوجاس شاعر دارسنه دراسه=