كفاك دموع ياقلبي ترى دمعك علي غالي
أنا مالي بهالدنيا سواك احد يواسيني
صعيبه والله هالدنيا على مثلك وأمثالي
صغار على الحزن لكن أبت تستوعب سنيني
وحيد عشت أنادي الفرح لجروحي ولا جالي
رحلت بكل صوب وما لقيت اللي يداويني
وتراها ما غدت تفرق معاي ولو طال ترحالي
أنا أصلا سكنت الجرح وضاعت به عناويني
عشقت الحزن مو برضاي وعيا الوقت يصفالي
ويوم انه رجف دمعي ذبحته في وسط عيني
مصير جروحنا تذبل قصر هالعمر أو طالي
وإذا جرحك ابى يبرى بضمده بشرايـيني