* أنتــــهــينا ,, * أنتــــهــينا



تكلّم..
أي تكلّم...
خيّب أظنوني
يامسّهر عيوني
كذّب إحساسي
يا بعد ناسي
ودي أهدى
من عذابي
من جنوني
قول والله ما انتهينا
قول والله ما سلينا
/
/
تكفى قول اللي تقوله
بس تكلّم...
شوف حالي من سكاتك
كم تألّم...
تلعب أظنوني في بالي
وأبتدت رحلة هبالي
بس أنتَ ..
وحدك أنتَ
بيدك تريح لي حالي
تكفى قول اللي تقوله
بس لا تقول إنّا...
انتهينا...
لا تقول إنّا سلينا
/
/
أبتسم سمّعني همسك
قول أنا بعدي بعينك..؟
قمرّة أيامك وشمسك
قول محتاجه حنينك
تكفى يالغالي فديتك
دامني ياما عطيتك
أنت ما تدري سكوتك
وش يسوّي دوم فيني
أنت ما تدري سكوتك
يعتصرني يكتويني
تكفى قول اللي تقوله
بس لاتقول إنّا انتهينا
لا تقول إنّا سلينا
/
/
ليه ساكت..
ليه يعني ماتكلّم..
يعني صدق اللي أحسّه.؟
ليه تتركني أتألّم...
هو عذابي ما تحسّه..!
هو صحيح إنّا انتهينا
هو أنا سويت حاجه
يا ضيا عمري وسراجه
تدري وش معنى انتهينا
اقضي الليل بنواح
ويظلم بعيني الصباح
وتكتويني هالجراح
وكل هذا ويش يعني
يعني ياغالي انتهينا
/
/
من عرفتك وأنت دايم
ما يهمك إلا نفسك...
من عرفتك وأنت دايم
مشغلٍ نفسك بنفسك
من عرفتك..
وأنت تخطي وأنا أسامح
من عرفتك
وأنت تزعل وأنا أصالح
غلطتك والله كبيرة
ارجع وروحي كسيره
تدري ماقدر أتصبّر
وأحتمل هالظلم أكثر
تدري...
وش ودي أقول
ما بقا عندي حلول
انتهينا .. انتهينا

-----