يا الله لا باركت في شوفة الترك = حمر شواربها وملس لحاها
عيونهم يا شينها يوم تنظرك = زرق تقول الماء مخالط غشاها
يضحك لك التركي بسنه ويغدرك = خليقه ما ينعرف مستواها
تلقى النبتشي والكومندار يسبرك = حتى البوش يمك تدور عشاها
أقل منك بحال ينهي ويأمرك =وقت اللزوم انك تنفذ رضاها
حبل الشقا الله عن هل الخير يقصرك = فرق ٍ بها يا رب تقطع رشاها
سلام يا وقت مضى يوم نذكرك = أيام مرت ما حد يحصي غلاها
يا وقتنا الحاضر هذا ويش دهورك =الناس صارت منك يكثر عناها
اليا اختلط هيلك وبنك وسكرك =تفقد مرارتها وتفقد حلاها
يا مسلم اصبر واطلب الرب يسترك = عسى تعود أهل الخطاعن خطاها
وف القوي اللي مع الدرب يجبرك = رب خلق كل العباد ورعاها
الله يا دين أهل الاسلام ينصرك = وتلقى العروبه من يجبر عصاها