يا شفوق القلب مشغول بغلاك=علميني ويش اسوي يا شفوق
إن تبعت القلب وردني هلاك=وإن عصيت القلب يبسن العروق
ما شغل قلبي من العالم سواك=مشغلة للفكر وإحساس الخفوق
وين بلقى بالنساء وحدة كماك=جامعة ما بين حسن وبين ذوق
مبهرة بالزين كل اللي رأك=طرفك الناعس لمعلوقي سروق
الفؤاد يذوب في مبسم شفاك=والمشاعر كلها لهفة صدوق
يا شبيهة للمليكة والملاك=لي عليك من الغلا بعض الحقوق
طحت طيحة حر في جوف الشراك=صرت من زود العنا حر معيوق
من سنن القلب عالق في سماك=والمشاعر صابها يأس وعقوق
امطريني وامطري عشقي بماك=بردي قلبي بعد عانا حروق
عالجيني يا عسى روحي فداك=علني من لوعتي اشفا وأفوق
ما يعالج علتي إلا دواك=وإن بخلتي به فلا يمكن أروق
إن عطيتيني جزيلة في عطاك=ما تحسبي للفوارق والفروق
وإن تركتيني صريع ٍ(ن)من هواك=ضعت ما بين الأماني والطروق
القصيد يزين من حالى حلاك=يا رفيقة حلم لوصالك يتوق
الأماني كلها ترجي لقاك=كل عرق من الهوى صابه فتوق
طال صيفي مثل ما طول شتاك=وما يفوت من العمر مابه لحوق
بالنهاية يابعد هذا وذاك=أنت عندي عن جميع الناس فوق
لو طلبت القلب قلت القلب جاك=وإن طلب العين لعيونك تلوق
فدوتك كلي ومقصودي رضاك=يا شبيه البرق مدري يابروق
لو شوقٍ(ن)كاوي لقلبي كواك=كان يمدي قلت لي بموت شوق
ما دهاني بالهوى ضده دهاك=مير بالله طالبك كي برفوق
الله إنه يرحم لشايب رباك=يا شبيه الشمس في وقت الشروق
والله إنه يسعدك صبح ومساك=لين ترضا يا بعد كل مخلوق
يا شفوق القلب مشغول بغلاك=علميني ويش اسوي يا شفوق