المحاورات
عبدالله المسعودي وصياف الحربي
عبدالله
مرحبا ترحيبة وسع المحيط وبحر جده = تجمع اقصاكم مع ادناكم * وعمري مانسيته
ماتلد عيوني الا للصديق اللي توده = وان لمحناكم عرفناكم * وعمري مانسيته
صياف
البقا والعين عن ماجوبها ماهي مصده = والله ابقاكم وقواكم * وعمري مانسيته
يالهذيلي تقطع عروق النخل والا تجده = لابلانا الله ببلواكم * وعمري مانسيته
عبدالله
عندنا للضيف ثوب ومن تحت راسه مخده = ياهل الافعال نجزاكم * وعمري مانسيته
الاصيل من الجمال الوسم يلمع فوق خده = واصلكم ياحرب يصلاكم * وعمري مانسيته
0
0
0
عبدالله
يامرحبا بالحاضرين الطيبين = واكثر من الترحيب قيلة مرحبا
من مدلي يمناه امد اله اليمين = من يوم اشوف الواحد اعرف وش يبا
صياف
الك البقا ياصاحب القلب الذهين = واللي مزين مذهبك حلو النبا
مد اليمين وعندنا مد ثمين = ان كان تعرف وش يجيك مع الغبا
عبدالله
يامكرم الخطار دور للسمين = وان هبت الآزيب تهب له الصبا
لن ثقلت الحمله على الجنب المتين = اللي مثنى لآونس المطرق حبا
صياف
ان كان عندك للكرم عقل رزين = تنظف عروق القلب من دمك الوبا
ماني طبيب احط للعميان عين = من لاربا نفسه بنفسه ماربا
عبدالله
ان كان جالست الكرم طول السنين = ان الجليس من الجليس مقربا
شفت المطر يمطر وثمر العود وين = طار الجراد وحل بالعود الدبا
صياف
اتبع طورايق الرجال الاولين = قدام ناب الذيب يعلق فالظبا
ان كان ذاك العود قاسي مايلين = اما اشتهر سبع الخلا والا هبا
عبدالله
قلبي يعورني ولا ادنى الكالمين = الا يكود انه عليها يغصبا
ليه ضروس تطحن الحبه طحين = وافتح فمي جيعان وآكل واشربا
صياف
اليا مرضت ادبل علاجك مرتين = والجسم لايبست عروقه يتعبا
الياكليت الحب لاتنسى العجين = محد يعارض للبعير الاجربا
المسعودي
مازاع قلب الذيب صوت ابا الحصين = هذي الحصاني من صياحه تطربا
اثر سعيد في عيون امه زوين = من يوم صغره لين راسه شيبا
صياف
الياغفلت ادخل بيوت الغافلين = ترا الكلام اللي سمعت مصعبا
؟؟؟؟؟؟=؟؟؟؟؟؟؟
عبدالله
ماتاكل السكين غير ام القرين = واللي بدون ديوس مافيها لبا
ياثلب ياللي لاهدير ولا حنين = تقبل وتقفي والحمول مصلبا
صياف
لعلها صيده لقوم سارحين = اهيه شبت والا ولده اللي شبا
ماهو بنا اللي يعترض للغاشمين = من يوم شفت العلم عني جنبا
عبدالله
شبيت نار الكيف فوق الدلتين = واسقيتك الفنجال من كفي جبا
صياف مثل الشمس بن الفيتين = مدري ولد منسوب والا من سبا
صياف
ارفع دلالك للرجال الغايبين = مالي بها عازه ومنها ما اقربا
مثل البحر ياصاحبي ترطن رطين = وانا سلاحي بالزهاب مزهبا
الحدايه
01هذه مناسبة بين بني مسعود من هذيل في هذه الحدايه
سلام يامن هو جذبنا بالعزيمه لين جينا = جينا وجينا ثم جينا في مقام الطيبينا
واللي دعونا مالهم مقام هم متبوبينا = مدري يريدون ايه يوم يوخرون اهل المقام
وان كان حنّا ساده العربان راحوا سيدينا = وان كان حنّا قاده العربان راحوا قايدينا
حيل الله اقوى يامحمد ياشفيع المؤمنينا = كل يفصل له على قده من البندر حرام
ثم يرد عليهم الشاعر مستور بين قنيع المسعودي وابنه عبدالله
مستور
يارمحبا حياكم الله يالرجال الطيبينا = ياربعنا اللي فاللوازم كلهم متواعدينا
الله يجعلكم على طول الليالي سالمينا = والنور لامنه بدا يجلى عن الدار الظلام
عبدالله
يامرحبا ترحيبةٍ تشرح صدور السامعينا = بالاد جدي يوم حجة الشدايد ماتلينا
لو يتعب الطماع مايفرح بها دنيا ودينا = وان طول الموضوع سال الكوع من كثر اليدام
02 جماعه اخرى
الاوله سلام يامن هو على نوبه دعانا = والثانيه يالله يامعبود لاتفرق عصانا
جينا لتكميل الوفا والبعد عنكم ماحدانا = اقولها من هاجس يقدح كماقدح الزنود
الدرب واحد لاجل كل الناس ماتنقد علانا = واليا افترق رأي الفهود مع القبائل مامشانا
واللي يسوي هرج يجلس في مكانه مارزانا = يالله فالعاده ولاتخل الرجال من الوجود
الرد من المسعودي
يامرحبا في مرحبا ياللي على الساير نصانا = ترحيبة تنشط لها العقال ياغاية منانا
الله يحييكم ومردود الجماعه ماحدانا = يامرحبا حياكم الله يامذاخير الجدود
يابيت يامبني على سيسان في عبر الزمانا = واللازم الغصاب مايصعب علاك ولاعلانا
ياربعنا اللي فاللوازم مانخليهم ورانا = من يترك الدرب السهل يمشي مع الدرب السنود
03 حدايه لم نعثر على ردها
عبدالله
الاوله سلام ياهل النوب ياللي راسمينه ليل جمعه = من هاجسٍ ماحط للرديان والانذال سمعه
وان جات حاجه للقبيله في طريق النصر شمعه = ماهو سوات اللي يصك النور ويفك الظلام
ياسيفنا المسلول ياللي فيك حد وفيك لمعه = لو تكثر الاطماع ياسيف البدو مافيك طمعه
والميت اللي مات لاتذرف علاه العين دمعه = للنار والا يدخل الجنه لعله للرحام
عبدالله المسعودي ومطلق الثبيتي
عبدالله
ماني باجيب الفصاحه غير عند الفصيح = امشي مع الناس واعطيها قوانينها
ام الصفا والصفيح اللي من اول تصيح = راحت على موت ابوها حنت ايدينها
مطلق
بعض المعاني تعنيني وانا مستريح = وام الموازين لاتصغي موازينها
قلب بنعمه وقلب من زمانه جريح = قبل امس تقسي وهذا اليوم يالينها
عبدالله
انا على مرقب عالي بديت استضيح = وان ام عامر تهز انصاب سكينها
الهجرة اللي يامطلق جات تنقح نقيح = ايعيش نمرودها ويموت مسكينها
مطلق
يازند ياللي على الايام تقدح قديح = ليالك السود ماترقد شياطينها
اشوف لي شيخ في نعسه وكفه شحيح = حتى الاوادم مشارك في دكاكينها
عبدالله
اشوف قربة عقيد القوم تنضح نضيح = والثوب الابيض تفرق بينه وبينها
ابليس لو جرها يمكن عراها يطيح = وابليس شريان من ماها ومن طينها
مطلق
النار من تحت قدرك مار عيا يفيح = خلا العرب للعشا تدني مواعينها
يقلون باب يجي ياصاحبي منه ريح = سده وتسلم من الدنيا ومن دينها
المسعودي
ولد الهوى يوم غنى لام خد مليح = ما احد يلومه وهو مفتون في زينها
الذيب ماهو عشا لام اللبن والتليح = ان شافت الذيب الاشهب دنهرت عينها
مطلق
ولد الهو مبتلش فام الصفا والصفيح = اللي لياشافته رفت كراعينها
ام الكباير على الاجواد تضبح ضبيح = والسوس من ظهرها واصل ضلاعينها
عبدالله
قمرية الفن الاخضر ملحها مايميح = الحب في حلقها ماياصل ابطينها
ان كان ابا امدحك ماينفعك كثر المديح = ان كان ماجبت للقصه براهينها
0
0
0
0
مطلق
سرى الليل وآباكلّف القاف تكليف = ترى القاف ما كل ٍ بفكره يحــوفه
ورحلة شتانا عوّدتْ رحلة الصيف = وانا آشوف ابو سفيان حرّش كفوفه
عبد الله
ليا جو هل الطيّب رجال المعاريف = دروب الرجال اهل الجميل امعروفه
ليا صرت ميت ما احسن الموت بالسيف = تيسّر وما يكتب لك الله تشوفه
مطلق
يقولون راعي مصر عنده تصانيف = ليا ما حضر في اللعب قوّم صفوفه
ومن هو يصلي في صلاته غطاريف = صلاة المنافق ما عليها حسوفه
عبد الله
تشوفون نصّ الدرب يا أهل الكشاشيف = وفالنص الآخر شوكتين امعكوفه
وحنا ليا جا عندنا الطرقـــــي الضيف = نعشيه واحنا ما فتشنا ظـــــروفه
مطلق
تحومون فوق الزاد مثل الخطاطيف =وكل ٍ عيونه نابتة في كتــــــــوفه
عسى الله يكفيكم سهوم الصواديف = يا هل موتر ٍ ماني مصنفر بلوفـــه
عبد الله
تنادي تنادي وانت مشتاق للكيــف = وابو صوف عيّا ينشف الما بصوفه
ليا كان ودّك فانت رجّال حرّيـــــف = كما الناعم اللي ما يخلّي حفوفه
0
0
0
مطلق
سلامي على اهل الحلة اللي لهـــا شان ٍ رفيع ==وحنّا نجيها في ليــــال الوعد وانرودها
ليا جيت في سوق التجارة نويت اشري وابيع = ورثنا حياض العز من يوم جات اورودها
عبد الله
هلا مرحبا ترحيب يضفي على روس الجميع = سوات الدوى لقلوب بعض العرب واكبودها
أقول السوالف وارده كل ضلع وكل ريــــــع = عيال الحلال اليا محل الحياة اتقودهــــــــا
مطلق
بغيتك تسافر يمّ لندن شتا والا ربيــــــــــــــــع = وخابرك ما تسلى جبال ٍ تصيح اقرودهـــا
ترى اللي سواتك يطعم العلم لابده يطيـــــــــــع = ليا جات هرجتها تساوت على بارودهـــا
عبد الله
له أيام والكبسون تقرع على جنبــه قريــــع = يبا يستحلّ ابلاد صنعا بكـــــــثر ازيودهــا
أنا عارف انّ السمن طيب ولكنــه يميــــــــع = يدين ٍ تغمّس فيه بيسيل فوق ازنــودهـــــا
مطلق
يضيع العمى واللي عيونه سليمة ما يضيـع = ولا ينقل اللي في نحرهـا نشب عبرودهــا
وانا ما جبرت اللي تدرّق ورى سدّ الوشيــع = ألفّ الجنازة في كفنها وارزّ الحودهـــــــــا
عبد الله
من اللي تدوّر للّبن بعد شهــر امن الضريـع = وش اللي يصيده بعد يوزي فمه في اديــودهـا
ترى المقبرة حمرا وغبرا وحلم الله وسيـع = عسى تشرب الشجرة وتحيا ويثمر عــــودها
مطلق
لو انّك تغمض نصف ساعة يسبّعك السبيع = وتخدمك ضباط السريّة بكثــــر اجنودهــــا
لكنّك تعلمت اللكاعة وسمّوك اللكيـــــــــع = تبا الشيخ يقبل دعوة ٍ ما لقيـــت اشهـــودهــا
عبد الله
بعَض قوم لا تصنع ولا تعترف بأمر الصنيع == عرب غافلة تقرع على القافلة باشنــودهـــا
ولا يا معلّم خير منته متيـــن ولا رفيـــــــــع = تبا تبلغ الخنقة وتوبة ما عاد اتعـــــودهــا
0
0
0
مطلق
الي وزعه مع الشعار ياليل الطرب محلاك = نجومك مشرقه واشوفها فالعرش سباحه
يعبدالله تهرج كان دنيا الملعبه دنياك = انا وانته على درب العرب والمشي بالراحه
المسعودي
الا ياشاعر ماجابني من ديرتي لولاك = كما دار المصيف اللي نضج خوخه وتفاحه
ظروف الوفت تبعدني وتدنيني بدون رضاك = لكن الذيب بانيابه فزع والصقر بجناحه
مطلق
عسى نو الشعيه ياعرب يسقى عروق الراك = ولايسقى الذي ضوى المعز والضين فمراحه
نحب اللي يحبك مير مانشنا الذي يشناك = كمنك شايلٍ لك عكه بالسمن نضاحه
المسعودي
اخذ مال الافندي واكفت المفتاح في مخباك = ترا مذبحكم لين الافندي جارد سلاحه
تقوله وانت لازم خرشة الباكور في يمناك = تبا تطرح به اللي بين شعب رهاط والباحه
مطلق
..... اللي ورثته وياك = لكن انت الذي لعبت في قفله زفتاحه
معي باكور اهزه وانهمه واقربه وارباك = وانا باجبدك بعد الناس قالوا طاحتك طاحه
المسعودي
نصيب اخوانك اكبر منك هذا مايلاقي ذاك = لكن اليا تعرضت المديد ارضوك بفراحه
لكنك ياثبيتي متر فراشك ومد خطاك = ترى بدو الشعابه حضر والحضران فلاحه
مطلق
بابو حنا تجوز الناس من غمرك ومن حناك = وبدريه تصيح فوق وصل الله وصلاحه
مواصير العماره نقطت يبغالها سباك = ولا ياليتها بير عليها الدلو مياحه
المسعودي
اقيس يالمغني مايجيب القوم غير غناك = ولو تدرق يدينك عارفينك ياحمر الراحه
انا اشوفك تحب الموت مير الموت مايبغاك = اقيس لك نصيب ولك بخت وقرون نطاحه
مطلق
وياليت الذي داوا الجبرتي من عصر داواك = طبيب القلب يزرع القلب والاجراح جراحه
ذبحك البرد وقت البرد لكن الدفا دفاك = تفرش مشلحك حتى تلحف لك بطراحه
المسعودي
انا خابرك ماعمرك ضبطت العافيه يمناك = لكن اللي يضيع راس ماله ضيع ارباحه
0
0
0
المسعودي
نهاية يوم ذي الحجه بداية يوم من عاشور = هلا يامرحبا والمملكه باحلى لياليها
انا ماهمني فالوقت لا مطلق ولا مستور = مركبها على قمة جبل وتهز رجليها
مطلق
انا اشوف المدافع فالمحاجي والفرود اتثور = يدوم الك البقا وانته جملها وانت راعيها
تقوله وانت محني في يديه حنية الباكور= وانا اللي من قديم الوقت طابخها وشاويها
المسعودي
عينت الشايب اللي لقمته ماوصلت الحنجور= فضيحه لن تفلها وان بلعها سمها فيها
منول ياذهبنا كنت في صندوقنا مصرور= وذلحينه تشالتك الحراميه باياديها
مطلق
عينت الطرقي اللي شق قدرة شعلة الدافور = لياجاته ضيوف الله يزري لا يعشيها
انا ماني بشايل لي عصاة راسها مشقور= لكن التاجر اللي جابها لازم يوديها
المسعودي
ولا ياصاحب ماتشرب الا السكر المعصور = ديار مابها الا الشوك لو يشيل واديها
تصيح الها مع المغرب وتقهرها طلوع النور= شداد فوق غاربها وحبل فوق اذانيها
مطلق
انا اشوف السمن سايل من الجبه ليا الزبزور= يصلح وجهها مير الكوايا في علابيها
عبدالله المسعودي ومستور بن تركي العصيمي
هذه محاورة من اجمل المحاورات وهي بينه وبين العصيمي وجات بالتفلزيون
المسعودي
سلام من هاجسٍ ماختلف نوعه * لو كل الأيام تخلف حلاياها = والموهبة شي والعلم شي ثاني * سيلك بلانو يانازل الوادي
ياقاضيٍ حكمته من تحت كوعه * من لايعرف الصقور يتشواها = كم اكلت النار من صقر شيهاني * والريم ترعى ورا الضلع من غادي
مستور العصيمي
اعداد ماشعشع النور بطلوعه * يامرحبا من هجوسٍ بمعناها = وان كان جاك الخبر فالخبر جاني * من صدر مهتاض ماجيت نشادي
اللي يبا يزحم الضلع بضلوعه * خطرٍعليها من الضلع يرزاها = ليش العوي ليش يالذيب سرحاني * عنيت نفسك وعنيت الاجوادي
المسعودي
ياخيال وبروق ورعود مسموعه * لكن مايشرب الطير من ماها = مافالسنه حب خوخ ورماني * والحال مايسمن الا من الزادي
مجنون ليلى سقى الرمل بدموعه * عشرين ليله وليله مايلقاها = البطن جيعان والطرف سهراني * والراس مرشوش بالورد والكادي
العصيمي
كلٍ جوابه على قيس موضوعه * واللي كتبها عرف كيف يقراها = انا على الدرب محدٍ تعداني * احرص من ابرص وبادي ورا بادي
الضحك بالضحك والحرب بدروعه * واللي على البال مدري وش اطراها = جاكم نبا من سبا ياسليماني = اوحيت مرسوله ايصيح وينادي
المسعودي
لي حاجةٍ مادري وين مرفوعه * والسارحه صبح يابعد ممساها = المر فالقلب والحلو فلساني * والبغض بالعين والحب بفؤادي
ايعيش نفرين ويموت مجموعه * وتصير كرامة ياعقيل لألحاها = والله لو لاي لولاي لولاني * لاقول يهديك رب السما الهادي
العصيمي
يد الحرامي من الكوع مقطوعه * والسارحه صبح ياسرع مضواها = السر لو اعرفه وافهمه ماني* بياح الاسرار جراح الاكبادي
ياشاعر اهذيل مافيه مطموعه * انت ابن مسعود مانت ابن طه = لاتقعد اتقلي اهذيل جداني * واعود اقلك اعتيبه اجدادي
المسعودي
مرحبا عداد نوضة برقها والا رعدها= يشرب الشعب البعيدي ويشرب الشعب القريبي
عادة التجار تشري كل سلعه من بلدها = وان خسرنا وان كسبنا لا رجاي ولا نصيبي
العصيمي
والبقا ياعزوة توعد وتافي في وعدها = وش حصل من مشكله ماعندنا شي غريبي
وان نسينا الاوله والثانيه والي بعدها = مانسينا الرابعه ياراعي الراي الصليبي
المسعودي
السوالف ياعميل الخير مايحصى عددها = والدفاتر ماتضيع شيء وافهم يالبيبي
المطيه ماتقدم رجلها قدام يدها = لو راعيها يخليها عشى حصني وذيبي
العصيمي
خابر الديره حيا واليوم مدري وش حصدها = والمريض من العلاج يطيب مدري مايطيبي
والمطيه راسها واديوسها في فم ولدها = مار ياذيب الخلا بعواك لاتقنب قنيبي
المسعودي
ماعليه اللي ليامنه بغى الحاجه وجدها = احسن من الشجره اللي لا صبوح ولا حليبي
كانت العذرا تهوش وترفع البيرق بيدها = والعشيه هلت العبره وقالت ياحبيبي
العصيمي
مالمحت الا الجنازه يوم طبت في لحدها = مير قلي موتها رضى والا غصيبي
روح ابو زيد الهلالي من نشدها من نشدها= مير في وقت المحاسب والله لخلقه حسيبي
المسعودي
ياهل النبوت مايبني البيوت الا عمدها = احسبني موت وارواح العرب في وسط جيبي
ليت للسلعه مقدر مايقلل من جهدها = لو يقولون اربعه هذلان واثنى عشر عتيبي ،
العصيمي
كان طولت البيوت بنيها اولى من هددها = لايضيع العلم مابين المنادي والمجيبي
ثابته ومثبته بشهودها واقراسندها = كان مايسترك ثوبك لا تلبس من ثويبي
عبدالله
سلام الله عليكم عد مايبدي الورق فالعود= نبا منك السوالف وانت يامستور هذبها
علامك يالعصيمي تختلف فالوعد والموعود= وانا خابرك وراك رجال تفتل في شواربها
مستور
هلا يامرحبا حييت ياشاعر بني مسعود = تدور للسوالف من عتيبي يجيك ابها
نهار انا تواعدنا على وضح النقا المجرود = بهيبتنا كسرنا القوم قبل انا نحاربها
المسعودي
بغيتوا يوم جيتوا مالقيتوا المقصود = ومنهو ذل له من علة مامات غير ابها
نهارك صادفه رمضا واصابتكالليال السود = وحنا خابرين اسود سمحه من ثعالبها
مستور
ياعبدالله لابد العلم يطلع فيه نقص وزود = وانا اصحح علوم الصدق والكذبه نكذبها
تدورنا وتعزمنا لضيفه بابها مردود = تهاون بالعزيمه مانت داري عن عواقبها
المسعودي
تبا تزبن على الحيد الزبين وتبذل المجهود = سواة الغاوي اللي مخلف الساقه وعاقبها
لكنك حج واحرم والفريضه بابها مريود = ليا صح البن باقي المراجل من مكاسبها
مستور
ليامنك جحدت اللي حصل عندي عليك شهود = شهود تشهد انك سبها وانك سبايبها
لقيت إيدامها قدامها في سبلك الممدود = وبعض الناس وشهو عذرها في ترك واجبها
المسعودي
تلحقها بعد راحت عليك وفاتك العنقود = تلد بعين والا عين ماتقدر تلد ابها
تهز البندق اللي تاكل الصفره مع العبرود = ولو يرمي بها الرماي ضايعةٍ مضاربها
مستور
اظنك ماسمعت اللي ينادي والعباد رقود = عديم المعرفه يدعي على الصنعه وصاحبها
بعد حاشتني الطرقه وجيت انشد عن اهل الجود = واثرها مقبره لقبورها تشهد نصايبها
مستور
0000000= هجرس ضميري ومن هجرس ببعض علوم غنابها
ياذيب ياللي تجر عواك عنا فالخفا ما انت ذيب = من جوع والا طبيعه فيك ياسرحان تضرابها
المسعودي
حس المنادي ينادي والمجاوب للمنادي يجيب = واللي يجيب العلوم يجيبها وان جابها جابها
ياسامع الصوت كيف بتسمعه لولاه منكم قريب = الموت في روحك اقرب من عصاك اللي تعصابها
مستور
بعض الغرايب من الاغراب لكن مانلوم الغريب = والحجه الصادقه مفهوم قاريها وكتابها
بنت الهوى باللبوس الزاهية تزهى عيون الخطيب = واللي يشقق ثيابه لولاها شقق ثيابها
المسعودي
محد درى عن ذكاة ام القرين اللي عليها عصيب = لين انها هي بيدها تحضر السكين ونصابها
دور حليب البقر مافالحجر ياللي تدور حليب = والخلفه ام الحليب ديوسها في يدين حلابها
مستور
واللي يسوق الجمل فوق الجبل مافيه شك وريب =تبا تطيح الذلول بذلها ويطيح ركابها
مافالحجر غير هم وصب دم وكحل عين الحبيب = والحيه اللي تحت رجلي يعض لسانها نابها
المسعودي
يافاهم العلم خلك للمعاني والمثايل لبيب = واللي قبل حصته برضاه يامستور يرضابها
الضحك في مجلس مافيه مايدعي ليا الضحك عيب = بثبوت واللي يجي لبيوت ياتهيا مع ابوابها
المسعودي
هلا يامرحبا ترحيبه مادونها حادي = عدد من راح من مكه عدد * وعداد من جاها
اعلم فالعرب وعيونها تنحى بها الوادي = واحط الكحل في عين الولد * والكحل يملاها
العصيمي
يدوم لك البقا ياهونها في بدع الانشادي = ولا ياليل ياليل السعد * والحظ يبراها
علوم مبطيه مادونها والله لكم هادي = وغيركم فالمثايل من نشد * ويجيب حلياها
المسعودي
ليا حسبتها ياهونها ماعنك نشادي = وانا ما ابني بيوت بلا عمد * ويشين مبناها
حلاياها ولونك لونها والعلم من غادي = ويابن واس خربت البلد * دبرتك ما ارضاها
العصيمي
اباليس تهز قرونها يحدالها الحادي = وحجة مالها عندك سند * لجل ايش تقراها
المسعودي
هاضني ليلة الجمعه سنة تسعين = غير تسعه على تاريخنا الهجري
المعلم تعب بين الحجر والطين = والافندي عن الاحوال مايدري
مستور
لو قرينا على صم الجبال تلين = سورة الراجفه والشفع والوتري
لو بدالي حقيقة قلتها ذلحين = بدري الليل ياهل الملعبه بدري
المسعودي
صارت الحبحبه حمرا على السكين = مابقي غير طش القشر والبذري
المهندس يعرف العلم يامسكين = حط لك في شعيب منى مية كبري
العصيمي
امتلا اللخرج منها وامتلا الجيبين = يوم حظك دعالك ليلة القدري
وش جرالك وجالك وين ساري وين = مر سكر ومر العن من الصبري
المسعودي
كل شي يبين وما اكلت ام قرين = لازم انه طلع فجنوبها نبري
انت طالب وراسب عام في درسين = لو تعد لك الاقلام والحبري
العصيمي
لقمة ابليس تعلجها على اللحيين = والحوادث تصوب والدوا يبري
هرجةٍ مادرا عنهاحسن وحسين = عوذ ابليس علمنا بكم تكري
المسعودي
ياذهب بعد ماامتدت عليك يدين = احد يبتاع واحد ياذهب يشري
البلح والملح فالصاع ابو صاعين = وت تدور تمد يديك في شمري
العصيمي
كل ديره لها ناس تسد الدين = من بعيد الرموس يجيبها فكري
وش حداك على القشرا حداك البين = والا انا بالرديه ماطلع ذكري
المسعودي
انت ياخادم الدنيا نسيت الدين = لو نهز الجذع ضلا البلح يذري
ذكرك اسود من الغدرا وحب التين = لو اوصفك في بيتين من شعري
العصيمي
قاضي الحق واحد والشهود اثنين = ان نشدناك وش سوابك المصري
قلت ياذيب درب الغانمين يمين = مير مهبول لاتتعب ولا تزري
المسعودي
طيب الشكل والمضمون ماهو زين = مثل مافالبحر للمد والجزري
الحمامه تنادي راعي المرتين = عند عش الطيورالنبق والسدري
المسعودي
من وسيع المعرفه نستفيد * هرجةٍ فاضت مع الحنجره = مفتكر في جابةٍ قلتها * يالعصيمي صح والا خطا
شفت لي زول بدا من بعيد * مافسرته رجل والا مره = قلت هذا الشخص قلتها * يالعصيمي صح والا خطا
العصيمي
اسمعوا يافاهمين النشيد * ذا خطا وارجوكم المعذره = اعتذر في جابةٍ قلتها * لجل اقلك صح ولاخطا
كل يوم فالعمر يوم عيد * يجلب الافراح والغندره = هرجةٍ في خاطري قلتها * ياهذيلي صح والا خطا
المسعودي
يخلق الله يافتى مايريد * ذا خطا وايامك محاوره = وانت خابر كيف صرفتها * والله اعلم صح والا خطا
كل شي حافظينه بقيد * بالقلم والبوك والمسطره = ليت عيني ماتشوف اختها * ياعميلي صح والا خطا
العصيمي
صح لي عين نظرها بعيد * دربها قدام ومدبره = ان عرض لي حاجةٍ شفتها * ياعميلي صح والا خطا
لو نقلك كل ميت شهيد * حين مايصل ليا المقبره = الحياه وزينها عفتها * مير قلي صح والا خطا
المسعودي
الله اعلم بالشقي والسعيد * والخطا فالطرقه مسيره = مانت واصل سدرة المنتهى * وانت قلي صح والا خطا
فصلوا للبوم ثوب جديد * والبسوه عمامه مشجره = وامه اصغر من سن بنتها * وانت قلي صح والا خطا
العصيمي
صح فيما قلت وان زدت ازيد * ولك يوم تشاهده قمطره = وان مشت رجليك وقفتها * صح فالاول والاخر خطا
مستحيل يصير علمك وكيد* مير خل علومك محاذره = ياعميل الخير كبرتها * كيف اقلك صح وهيه خطا
جارالله الصواط وعبدالله
السواط
سلام ردية تخص أهل الجمـــيل *** والله يجمّل حالكم يا أهل القرى
أما العبوا والا اعذرونا يا هذيل *** وختام هذا الليل مســـك وعنبرا
المسعودي
يا مرحبا بك ياعميل ( ن) لك عميل *** وإن كان ما يسري عميله ما سرى
ترى قصير الثوب ما يكسي الطويل *** أما شمــــر من قدم والا من ورى
السواط
الكيف للخرمان من بن ( ن) وهــيل *** ياللي تشـــــوفون العمى والأعورا
شفت المطر لكنّ ما شاهدت سيل *** يا اهل الطوابع كيف تنسون الغرى
المسعودي
ماني بحاذف واحد(ن) عابر سبيل *** واللي يبا يقرى يجي لأم القرى
يا سواط أنا ماجيت أدوّر من بخيل *** أكبر مـــــن الشعار والله أكبرا
السواط
اصبر على قرص الحنش ليلك طويل *** ودّ الخبر للغافل اللي ما درى
ياللي تشوف أم الرعد وام الصهيل *** ما ودّيَ آحدّك على علم الزرى
المسعودي
لو شفت مقروص الحنش ميت قتيل *** لا تنخش العقرب تجيك من الثرى
لو شلت راس العود عن راس الحسيل*** شيّلتك العــــيدان يبس وخضّرا
السواط
من ضميرٍ يحسب للمعاني حساب = مرحبا من هجوسٍ مانقفل بابها
مار ياذيب خذ وزعتك بين الذياب = الليالي عليك يدور مشعابها
المسعودي
كل راعي سوال يجيه مني جواب = والوصيه من اجدادي موصي بها
وزعتي محتميها من يدين النهاب = وانت وزعتك اخذها اللي تهنابها
السواط
انت تقرص كما قرص النحنش ماتهاب = قرصة اللي سواتك ما اسلم اسبابها
من هرج في قفا غافل تحمل عذاب =من تعشى بكذبه ماتغدابها
المسعودي
انت وش فيك توزي يدك في نحر داب = حيةٍ سمها ساكن تحت نابها
اذهبتك الطماعه جهلها بالذهاب = والسبوق الصعوب يطيح ركابها
السواط
شاب راسي من الايام وانا شباب = شفت لي ناس تطعن ناس بحرابها
ماستر جثة الانسان غير الثياب = الطماعه لاهلها واعرف اصحابها
المسعودي
جاتنا اخباركم ياقوم وانتم غياب = من بطت علته مايقتل الا بها
مير لو انك احرص من وليد الغراب = وش تحصل حصانيها مع ذيابها
السواط
من يصدق خبر نمام ودا وجاب = مثل بيعة خسر فالسوق جلابها
الدكاتر تداوي من يجيه التهاب = صنعة الاعور الدجال يسعى بها
المسعودي
مر قولك خطا ومرار قولك صواب = والطبيعه مع الانسان يضرابها
لو جسمك نواه الطيب يمداه طاب = ليت وليا الجمال تعدل ارقابها
المسعودي
اقوله ولارجال تقول واعرف ثمرة العود = يصيب الصيف والا مايصيب احسب حسابي
علام الحيه ام اربع بلا كسره وعجرود = على روس الحصا والشوك مكسوره تحابي
الصواط
تهيض يالهذيلي واعرف اهل البخل والجود = وانا ما ادق باب الناس لين تدق بابي
لياشفت لك حيه تحترك في حر وبرود = لزوم انك على الغتره تحافظ والثيابي
المسعودي
ابو خمسين في وجهه شعر بيض وشعر سود = وفيه رماح في قلبه وفي راسه جنابي
يشوف الدربه ويكبه كم الدرب مقعود = وذب العلم ذبه لاتدربيها درابي
الصواط
ابو خمسين ثابت يوم ابو تسعين مطرود = يبا يقرا كتابه يوم كل له كتابي
لياكثر اللحم فوق اللحم تاليه للدود = ورميات خطا ولا رمي يطلع صوابي
المسعودي
لكنك ماتقلي كيف صار النقص والزود = هذا ميزان وانته خندفي والا شبابي
ياراع البندق اللي بطنها صفره وعبرود = ماعمرك شفت مرماها خطا والا صوابي
الصواط
ابا اعلم عن اللي صار وابلغ كل مقصود = عن اللي يكتبون الخط في جناح الغرابي
احد يرموم بطرطيعه وحد يرمون بفرود = واحد منهو على بطنه حرارة والتهابي
المسعودي
انا في خير ماني للخوي اللاش محدود = تعب رجلي ولا اعلق على الجربا جرابي
ليا منك عرفت النقد مايلحقك منقود = عطيتك صرف لين انك تعدعدها ربابي
الصواط
ترا النعمه كثيره ياسره والخير مرصود =ثلاث ايام عند الباب ماجاك الخطابي
وقصتك الغريبه جتك من حامد ومحمود = ولا ياذيب لاتعوى وقدامك ذيابي
المسعودي
لو انك مانت ابن حوا وابن آدم ومولود = احد مقفي واحد قادم وآدم من ترابي
انا عارف ولابيني وبينك علم مجحود = ولاتعمر بيوت ساسها مبني خرابي
السواط
انا مافار دمي واشربوا من حوض مارود = وكرهوك الصحابه من طبوعك يالصحابي
على شونك تعكز ياسليمان ابن داود = سنينك عشتها مابين ميل وانقلابي
المسعودي
هلا يامرحبا من واحد للعلم ويسده = ولايظلم ولايدنا الظلميه * واسر ياساري
الا ياصاحب وده يعلمني ولا وده = يهز بمطرق ماناش ريمه * واسر ياساري
الصواط
ابن مستور غايب طول الغيبات والمده = وفات من المغازي والغنيمه * واسر ياساري
حليلك يالعميل اللي تسل السيف وتحده = يغرونك ليا ضحكت شريمه * واسر ياساري
المسعودي
ترى مكه قريبه ياوسيع العرف من جده = ولا هي بعد رابغ والقظيمه * واسر ياساري
اعرف اللي عليه السرح واللي فوقه العده = واعرف اللي العسل مالي يديمه * واسر ياساري
الصواط
ليا منا هبطنا سوق مكه تقصر اللده = تبر لو على دربه هشيمه * واسر ياساري
علامك يامسافر في طريقك تصدم القده = ولاوصف القمر مثل النجيمه * واسر ياساري
المسعودي
لكم خال ولكم عم ولكم جد ولكم جده =ياكثر احلامكم يا ابنا حليمه * واسر ياساري
بعد من شورها المشهور سموكم على قده = تعلم قومها الغشم الغشيمه * واسر ياساري
السواط
لنا عم ولنا خال شجيع بحزة الشده = حليمه ترضع محمد كريمه * واسر ياساري
شهر شعبان جانا ورمضان الصايم يعده = وكل عند ربك له قسيمه * واسر ياساري
المسعودي
ياطول علومكم ياعرضها فالارض ممتده = علوم الناس والذمه ذميمه * واسر ياساري
نهار العيد كل يشتري ثوب على قده = ونظاره على العين الكريمه * واسر ياساري
الصواط
علوم الصدق نبديها لكم ود الخبر وده = ولا ياراعي الصنعه قديمه * واسر ياساري
نهار العيد يومنا لقينا راسك تكده = مانرضالك خلاف ولاشتيمه * واسر ياساري
المسعودي
ليال الصيف كيف تصير محتره ومبرده = ليا جاتك الحمى الحميمه * واسر ياساري
اظك لو تشتري لك جمل ماتعرف تقده = تعود تشتري لك عود خيمه * واسر ياساري
السواط
يان بمستور لي نيبان وقت الصيف محتده = ولاياذيب دور ك خريمه * واسر ياساري
ليا مني شريت بعير وخطامه على خده = ابا شده بحمله والوسيمه * واسر ياساري
المسعودي
اظن انه بلا منه طول سنه ولا بده = بري من دم هذيك البهيمه * واسر ياساري
تقوله يالعتيبي وانت بين الباب والصده = تبا المفزاع وعظامك سقيمه * واسر ياساري
السواط
ياسلامي عليكم والمعاني ثقيله = من هواجيس شاعر لن بغاها لقاها
لاتضيع طريقك يالبعير الدليله = من عطا نصها لابد ياخذ ملاها
المسعودي
مرحبابك تراحيب ولا هي قليله = فالبداية وتقسيم السوالف وراها
عزتي للفقير اللي قليل حصيله = كل بير تهدم حين ينباح ماها
السواط
البقا ياعريف من رجال الجميله = كل قسمه ليا جتنا نرجع جزاها
الله انه يداوي كل روح عليله = مير بعض العرب ماودي اشقر عصاها
المسعودي
كل طيب يجينا يالعتيبي نجي له = حيث ماتمسي الاجواد نمسي مساها
الكحل مايبا غير العيون الجميله = حلوة العين مير الكحل زايد علاها
السواط
التهامي يسير بالعسل في صميله = يحسب انه يعود سمن ضان شراها
المسافر لفا من غيبته للقبيله = ديرته بعد ماسار يبكي حصاها
المسعودي
كل واحد يشوف الشنكره في عميله = ماحد منهم رضي والناس يصعب رضاها
لو تحيل على الروح البريه بحيله = مت قدامها ياللي تدور عناها
السواط
لين ذلحين مانكرتوه قصه مهيله = قالوا اهل المثل ستر الماني غطاها
كسوتي ضافيه وانشد رجال الصميله = اشقح النار واسلم مالحقني صلاها
المسعودي
كيف تلحق على راسي عصاك الطويله = وانت مانته بعارف صوبها من خطاها
عندكم دلة من زنجبيله وهيله = احد منكم يفضيها والاخر ملاها
السواط
سركم عندنامكتوم ياهل بجيله = دار الايتام ترى كل حي نصاها
عندنا الدله اللي ماعلاها فشيله = من حما وجهها مجبور يحما قفاها
المسعودي
لاتطش اللحم والزر يابو بليله = البليله بلا في بطن منهو كلاها
احد يطرد واحد يقعد لباب العقيله = ان كسبتوا كسبتوا وان خسرتوا عساها
السواط
الهذيلي هذه ياطول ليلي وليله = ثارت القنبله فالناس واكلت لحاها
المسعودي
صاحب الفيل خش العود في خشم فيله = لين طاحت ضروسه كلها من جماها
صاحبي معترف والاعتراف الفضيله = خير له من حبال في رقبته لواها
السواط
في بلدكم حرامي سرقته في حثيله = لاتصلي مع صفوف قصار يداها
ياهل الورد الاصلي خالطه زنجبيله = زنجبيله حرارتها بلا من يباها
المسعودي
مايعرف الخليل الطيب الا خليله = والحمامه توقع مع حمامه كماها
كل حصني تظلي شامته راس ذيله = دس شامتك لاترجمك الارض بحصاها
السواط
يالله اني دخيلك يامناجي دخيله = تستر العوره اللي مابحثنا خفاها
الحصيني سياسي والهدف يستويله = حجتك ياحمد وحمود كل قراها
المسعودي
كان ثارت عيل كبسون مجنون ليله = بندقك يالعتيبي ثايره في خباها
خيركم مايحرك سيلكم عن مسيله = شايل حب عمتكم وشايل رحاها
السواط
بندقي صابت الشاره ولاهي كليله = والمريضه عجزتوا يابدوا في دواها
......................= ماتضيق الدروب ان جالها اللي مشاها
المسعودي
خابر فعلكم ياهل السيوف الصقيله = من جسد واحد السيفين تقطر دماها
انت تنهب عشاك من اليدين البخيله = والبخيل ان فقد له نص كيله بكاها
المسعودي
سرا الليل والمعنى مثنى ومعقول = ومعقول ماعمره قطع له مسافه
يابن وصل اشوفك ترفع الصوت وتقول = وانا خابرك عاقل ماتدنى الخلافه
السواط
تسلط على معناك بالعرض والطول = ولاتلحق القايت وجود وحسافه
وياللي عقدت الحبل ولياه محلول = وعينك ليا فتحتها الها صرافه
المسعودي
تعرضت لاحداث الدهر مانت مسؤول = وبعض التعرض للبنادم لقافه
بسط راعي الدكان بالخبز والفول = واخذ له سنة ببضاعته ماحد شافه
السواط
ابصبر وما جا منك مقبول مقبول = لكن انتبه لاهل الحي واللقافه
اناشفت لي هاك السنه يمكم زول = تعشى بشابوره ويفطر بكنافه
المسعودي
علامك نثرت القدر والقدر معسول= بعد ماشبعت من العسل لاتعافه
تقبضت راس المال وارسلت مرسول = وسويت نفسك من رجال الصحافه
السواط
انا ماشعت الراس في علم مفتول = وانا اعرف سدودك ياسعود العرافه
احد مستريح وحي فالوقت مشغول = وحي يطوف ولا كمل طوافه
المسعودي
انا مادرى عن نيتي كل مهبول= لكن الهدف لاهله سريع انكشافه
ليا جيت ابشري لي من السوق ماكول = امش السمن في ثوب راع الكنافه
السواط
رفيقك زرع له زرع غير محصول = بدت حبته ماتسلم من الكسافه
انا شفت شخص فيه شيمه ومعقول = ليا زاوره مشبوه ما اضفى لحافه
مستور
سلام رديه لها درب ضمان = واجب على اللافين رد السلامي
سالم من الشكات يابو سليمان = حتى عيونك تهتني بالمنامي
عبدالله
يامرحبا ياضيف ريض وعجلان= ترحيبة الصفطان واسمع كلامي
ياراي المعذار وش صار وش كان = ومن ايش اخاف وبندقي في حزامي
مستور
ماني بشيال الجنايز والاكفان = نبا نخيل البرق وان لاح شامي
اللي تغرز له بدوش وريحان = عاده لابو عرام في كل عامي
عبدالله
جاتك تدرج من نعش فوق عيدان = لكن موتي لعلها للرحامي
ماكل من ينفخ على الناس زعلان = ولاكل مايبرد على كبد ضامي
مستور
ياطير لك مخلب وريش وجنحان = ودي بقتلك مير قتلك حرامي
لو من سمع بالعلم شاهد بالاعيان = ماكان قال النور مثل الظلامي
عبدالله
الطير جايك دونه الذيب سرحان = والذيب ماهو صيده لكل رامي
انته غني ضليت واليوم فقران = والديره العدمه يجيها العدامي
مستور
لو مالمشاكل وقعت بين الاخوان = ماكان يبقى في تهامه تهامي
ماراح لي دينمه ولاني بمدان = العام واليومه قوي العظامي
هذه محاوره فاتنا البيت الاول فيها وقد تدخل فيها هلال السيالي مساند لجارالله الصواط
الصواط
الليالي لها غدرات والضلع لان = ياصقور على ريح الغنام تحوم
المسعودي
يالعتيبي تراك امسيت في دار امان = والبقا والتحيه واسمعك بالعلوم
ان فقدنا فلان انتم فقدت فلان = ما البس هدومكم يالابسين الهدوم
الصواط
يالهذيلي تكلم يارفيع المكان = شمس ابو زيد من وقته علاها غيوم
البعير اليماني مالقاله مكان = طاح ياهل العقل بالحمل عيا يقوم
المسعدوي
مامشينا هذاك الدرب من غير شان = انت غلقت حجك والعرب في القدوم
حضر المبخره للمستك واللبان = لين عينك تنظر للقمر والنجوم
الصواط
دارته لين عشري ماتعود ثمان = جاء سهم منك وارجعتك بعشره سهوم
راعي المبخره للناس سره يبان = البحر يتعب السباح ياللي تعوم
المسعودي
ان نظرك الطبيب اللي يعرف الاوان = ليت والياك خليت الجباري يقوم
كل ماقلت هذي قلت هذي وكان = وين ديرة جهينه عن جبال البقوم
الصواط
لو رفيقك معك بالرمح والاسنان = ارطنوا والخلائق قبلكم يرطموم *
انت تاكل وتشرب وسط شهر رمضان = والله اني لضدتك غصب حتى تصوم
المسعودي
انت لاقمت مسحت الوبر بالدهان = لين طلعت راسك عند ذرح السموم
ماعيله ليا مني صلبت البطان = ساقتي ساق كل والله غفور رحوم
ثم بعد ذلك ينظم هلال السيالي ضد المسعودي
هلال
عندنا لك عزيمه من مكان لمكان = قدرها فالضيق وصحنها فالجموم
الصواط
يالرضيع الجواهل طحت في البهلوان = خشمك اندق مادقيت ذيك الخشوم
المسعودي
روح ليّم متوعك ثم يادان دان = وانت مانت من الخير الكثير امحروم
ياصواط انت عضك فيه بعض اليان = وان نويت الشجاعه صت لك طير بوم
هلال السيالي
من يقدم سمينه ينجزي بالسمان = لقتسمنا نعرف قسومنا فاللحوم
الصواط
فيك اشاره بدت لاتحسب الجرح هان = انت مديون والعربان تقضي الديون *
المسعودي
ياهلال التمني لك يجيب الهوان = ما انت ياهلال قاطع مسك من قرن ثوم
مانذم الغياب ومن حضر مايهان = نعم بالربعه اللي ماوراكم رخوم
هلال
الغنا والفقر فتنه وفيها امتحان = رحمة الله قريب والدهر مايدوم
الصواط
التمنى يحقق والهدف دوب زان = اصبروا ياقويين الفعل والسلوم
المسعودي
الدهر والفقر ماردكم يوم كان = لين شفت الدفاع اللي يصد الهجوم
دامت ان المكينه في سخيف الحسان = يخلق الله بعد مهلت ثلاثين يوم
هلال
كل واحد من الطلاب عنده بيان = والنتيجة بعد منها تزين الرقوم
الصواط
الدهر والفقر تحسبه انس وجان = بو يجي بعث والانشر عينك تنوم
الجبرتي
ياعيون العود ياللي طار عنك النوم برا = طار عنك النوم وانتي ياعيون الورع باتي
ياعميل الخير وشبك ليش قاعد وش تحرا = جيت باغ اسقيك حب الكات مع سكر نباتي
المسعودي
ياجماعة خير قولوا للقحم روح وتمرا = والله اني لاسهره مثل النجوم الساهراتي
مانت عارف في بلدنا لاتبيع ولا تشرا = لو بغيت تعامل التجار وتسوي سواتي
الجبرتي
خيركم يصدم بخير وشركم يصدم بشرا = ارزمي يالمرزماتي واصهلي يالصاهلاتي
انت ياعبدالله اللي شايل كتابك مغرا = ماتعرف اللي كتب لك فيه من قصة حياتي
المسعودي
مانويت الليله اكشف عنك يالبيت المذرا = وان عرض باطنابه العرضه دعسته بعجلاتي
شفت فيه مدرسين وشفت به ناس تقرا = مير انا الليله نويت اقضي علىذيبك وشاتي
الجبرتي
وان تجريتوا على ضيفك يا بو حادي تجرا =وان تبلوتنا رحاة القوم تقلبها رحاتي
العميل اللي على الكبسات والبسه مضرا = عندنا ملح اجاج وعندنا عذب فراتي
المسعودي
انت خابر هرجة الرجال زر الثوب زرا = ان سمعت الصدق ولا طق راسك في حصاتي
لاتطش الزاد من داخلك يالخرج المعرا = فيك بن وفيك هيل وفيك ورد وفيك قاتي
الجبرتي
سلام الله برده طيبه ولحون شعبيه = لحون الباديه ماهي لحون المطرب الفني
لياطابت ليال اصحابنا طابت لياليه = وان كيف انشد اللي صد عني مانشد عني
المسعودي
هلا يامرحبا بالحاضرين ويامرحبا بيه = عدد ماسمهلت من جاهز فيه الرعد دني
ولا ياحيلة ابو نيتين وصدق ابو نيه = احد صاد الجواهر واحد صاد الذيب والجني
الجبرتي
انا ليه عليك حقوق شرعيه وفرعيه = لكن انته تكبر فوقنا يامحرق البني
انا بقرا عليكم سورة الرحمن مثنيه = حروف ماتعرف حروفها يامقرع الشني
المسعودي
وش اللي مطلعك فالشمس وانته كنت فالفيه = عيالك خادمينك وانت ياذا العود متعني
معك سواق برقاوي وسياره جبرتيه = ليا بروق لها سواقها تشخط وتستني
الجبرتي
انا لو جيت ابتكل فوقهم صاروا حراميه = انا باغ الفرج منها وهي تبى الفرج مني
بكر بازعزوع
انا شفت الحرس بين الفقارى والغناويه = يقوقون الغناوي من ورى دنياه متعني
المسعودي
انا شاعب بنات القود والباكور في يديه = تهدر ياجمل ديره وياناقة عرب حني
.........................= لياجادت بضحك سنونها يضحك لها سني
المسعودي
بعد جينا نسلم وقلنا لكم ياجواد = عليكم سلام الله وعفوه وغفرانه
ابا شب في عود المراخي وعود الكاد = بنار تشب وكل عود بدخانه
الجبرتي
ولابد من طرقه ولا بد من مجراد = ومن طق عيدان العرب طق عيدانه
ولا ياولد يالشاعر اللي من الاولاد = تلبس حيذي الناس ويكب حذيانه
المسعودي
قليل الاواني يكبس البن فالبراد = ومن زال عقله يلحس الموس بلسانه
ورى ماغطيت القدر عن مشتهين الزاد = وهذا جزا من فك بابه ودكانه
الجبرتي
انا لو ابى افتش فالمعاني يابو حياد = ادق الحرس فالباب ويعجبك جرسانه
انا ما ازرع الا ياعرب في جديد بلاد = ولا ارمي ذراية وسط ماعون خربانه
المسعودي
اناكل ماقلتلك نقص كلامك زاد = يصير الولد تكسيه والبنت عريانه
وياعمدة اهل المسفله عند شيخ جياد = واظنه يبا يشتال خوخه ورمانه
الجبرتي
انا عود شايب لامقود ولا قواد = نضيف من اسباب راسه وكرعانه
انا اعارف انك على الناس بالمرصاد = وربي في شانه والعريباني في شانه
المسعودي
نشوفك لعلك مايشوفونك الحساد = لياقلت لي وين السبب ؟ قلت لك عانه
وعيشتك في الدنيا من النار يالحداد = ومن لا اول ما اخر ياريحانه
الجبرتي
عبنك خشيري فالولاده وفالميلاد = احد يرضع الاول واحد يرضع الثاني *
بكر بازعزوع
ترا من كثر اكل الدسم صابه القداد = علامك تتبع علم مابان برهانه
المسعودي
لياكان بالانسان جسم بغير فواد = فهذي ايرادة خالق الكون سبحانه
حضر الجبرتي والشاعر جار الله السواط لمناسبة من مناسبات قبيلة هذيل وهذه المناسبه لم يدع لها عبدالله المسعودي وعندما علم المسعودي بذلك اخذ في خاطره لانه من قبيلة هذيل وهو الاحق بتمثيل قبيلته في ذلك الاحتفال فقرر ان يحضر الملعبه وان يشارك مع الشعراء فاصطحب معه الشاعر / خلف الحساني الهذلي وحضر للملعبه وهي قائمه بين الجبرتي والسواط فدخل الملعبة وبدأ المحاوره مع خلف الحساني وترك الجبرتي وجار الله السواط وكانت محاورته مع خلف كالاتي :
المسعودي
ياخلف قوم ثم العب على الصفّين = والعلوم الكبار اياك واياها
لاتحسّف ولاتبكي على الثنتين = روّحت في قبورٍ ماسبرناها
خلف الحساني
بعد ناديتني فابشر بعلم زين = والاجاويد ماعذّر فممشاها
والله اني خويك ياصليب الدين = والرعيّه سوى فالضلع نرعاها
المسعودي
واش تبى تقول ياراكان ابن حثلين = تضحك العايبه وتحك علباها
كيف تلحق عليها عقب خمس سنين = انتبه للعلوم ولا تقفاها
وثم قام الجبرتي رحمه الله ضده بطاروق جديد وفيه تحدي
الجبرتي
الا ياذيب كثرت العوا يالذيب سرحاني = بلاك الجوع والا ابك الظما ياذيب غرغرها
ترى مالك عشا فاطرافنا ياذيب نجراني = فرجها الله لياحكت خنافرها بظافرها
المسعودي
تراني جيت ابا اعدي وانتبه للذيب سمحاني = وابا افقع بطنك الليله لكنك لاتدورها
واش اللي جابكم في ديرتي في جوف حيّاني = سواير في ديركم في ديرنا لاتسيرها
الجبرتي
ياعبدالله عشاكم دوّره عند السليماني = وانا ماني معلمكم بصنعه وانت خابرها
انا عدّك ولد جدّك واقرر كل ميزاني = ليا خفت موازينك موازيني تقررها
المسعودي
انا ماني مخلي عندهم لو ربع ديواني = ابا اثني جمال الضلع واقطع حناجرها
وانا مبغاك تخبرني بصدقاني وعدواني = ولو انك ولد جدي عيوني ماتعورها
الجبرتي
اماريكم واباريكم وانا ريض وعجلاني = ولاطنقرت فالاعلام جالك من يطنقرها
اشوف الدم سايل والحس السكين بلساني = ليا وقعت فالميدان طيري ياعصافرها
المسعودي
بغيتك يالجبرتي تكسر العضله على شاني = لكنك ماتبتل حال حتى انك تشاورها
وصنعا يالجبرتي مايجيها غير صنعاني = ديارٍ مختلف طاروقها دارت دوايرها
الجبرتي
اشاورها واحاورها على دالول رحماني = وانا من ربعةٍ مستنصره والرب ناصرها
جناحيني طوال ولاتنوشك روس جنحاني = لكن انته تسلّف دونها منته مدّورها
المسعودي
انا مكسر جناح الصقر كان الصقر عشاني = ولن شفته بياكلني جناحينه بكسرها
تعوذ من بليس اللي تقوله وانت شيطاني = تصوب غافلين الناس بالغام تفجّرها
من اروع المحاورات بينه وبين الجبرتي
الجبرتي
من ضمير الشاعر اللي جاب له معنى وردّه = ابدع الامثال والامثال من فكري وبالي
ياشباب العرب ياللي يذبح العاشق بودّه = لاتميل السوق بالصندوق والصندوق خالي
المسعودي
قودها يالشايب ياللي مال عيني عنك صدّه = مامضى لك فوق هذا الراس من سود الليالي
واش بغيت تقول ياعود كثير الشيب خدّه = مانت حول الباب الاقصى خل عينك فالموالي
الجبرتي
صاحبي عبدالله المخبور ماينباح سدّه = مثل ابن غانم ذياب ومثل ابو زيد الهلالي
لن بدا مع ريع سدّه وان صدم له ضلع هدّه = منهو اللي مثل ابن مستور صدّام الجبالي*
المسعودي
المخالف يالعوارف مايضدّه غير ضدّه = وان تعلمت الرجال تجيك بعلوم الرجالي
لن ثبّت فيّ الكلام اللي وانا حاضر تعدّه = مايجني شيء غير يكود من جدي وخالي
الجبرتي
الزم السيف بنصابه ، لايوقّع فيك حدّه = انقطع راس الخيال ان كان في فكرك خيالي
صقرنا مخبور دايم يخبط الصيده بيدّه = كل ما اصبح صبح ياكل من عراميش الغزالي
المسعودي
يالجبرتي لو يجيك بعير لو من غير عدّه = كيف تقدر ترحله لن جاك في وقت الرحالي
اندقم مخلابك اللي في لحوم الصيد ودّه = مايصيد من السمان الا المقادم والطحالي
بكر بازعزوع الحضرمي
هلا يامرحبا باللي لفا في حزة الرحمن = تراحيب الوفا واهل المعاني في معانيها
ولا ياشاعر الهذلان قابل شاعر السلمان = بعد غابوا عتيبه شرهة الديره فاهاليها
المسعودي
لعل الك البقا يابكر ابن زعزوع ابن عدنان = واثنيها واعقلها واعقلها واثنيها
مادامك فالبريد ارسل مكاتيبي ليا الصدقان =انا ارسل لي رسايل مير ماجاني ردد فيها
الحضرمي
عسى ربي يبارك فيك ياللي تبحث السيسان = تعين في حبالك وانتبه لاتلتوي فيها
ترى دعوتك هذي ضايعه ماجالها ضمان = ظليمه والظليمه ياعميلي فوق راعيها
المسعودي
انا ماهمي اللي يزرعون الخوخ والرمان = تمد عذوقها وعروقها للسيل يرويها
دريت انك رضي فالعود وحنيّن على الاخوان = وكل منتفح له جبة بالسلم ماليها
الحضرمي
ياخوي الخوخ والرمان مايطلع بلا بستان = لكنك شجرة الزقوم ماتنبت نواميها
انا دايم رضي فيكم ولا اقبل رجحة الميزان = لكن اللي حقر حفره لعله ينكفت فيها
المسعودي
انا لو اعطي المجنون شاة من سمان الضان = وادني له مية سكين مايعرف يذكيها
يقولون الرجال الخال يقعد سبعة الريعان = لكن سليم مالزمت ولا ريع لبناخيها
ثم يتدخل الجبرتي لينهي المحاوره بهذا البيت
يابن مستور وش مالك ومال فلان وابن فلان = بليس اللي يشب النار والرحمن يطفيها
ثواب الجعيد
مشكور يارعا الوفا مشكور = ارضيتوا الاخوان والاصحاب
اليا حملنا البيرق المنشور = من دوننا لاتغلقون الباب
المسعودي
يانور ربي ماش غيرك نور= وليا بدا نور القمر ماغاب
انكان مافاز الفتى غندور= ماهو بفايز بعد راسه شاب
الجعيد
ياللي نجيت من الخطر ماجور = اخطاك مكتوبه من الكتاب
عدل شراع ... والبابور = ولايقص الناب غيرالناب
المسعودي
جدك نجا من سد سبع بحور = اخذ سنه وهو مريض وطاب
هذا رجب والا شهر عاشور = ياصادق اهرج واترك الكذاب
الجعيد
جدي على جدك لواله سور = حطيت رجلك فوق سم الداب
ربعي عتيبه محكمين الشور = والنمر له ناب وله مخلاب
المسعودي
انتم تحطون الجراد صقور = حتى حصاينكم تصير ذياب
الميله اللي في سنام الثور = مايستريح بوسقها الركاب
الجعيد
انا ما اسبك ماعليك قصور = لكن حمله في ظهر قلاب
النسر وش ياكل من العصفور = قبلك نجوم الصيف ياحساب
المسعودي
يجنة فيها بنات الحور = لعل يدخلها بدون حساب
الخيزرانه شالها الباكور = راحت غدت ماجابها النجاب
الجعيد
الخيزرانه راسها مشقور = ياللي قصرت الفرض فالمحراب
الحور جت جار الله ومستور = وانته مع الروس ومع الاذناب
ثم غيرالقاف المسعودي بتغيير المحراف علىالنحو التالي
المسعودي
السلام لمن يتبع اهل الهدا واقتدا واهتدا = التحدي لمن حد روحه على غير طاقاتها
في ضميري كلام لياهالحينه بعد مابدا = كان ودي ولكن دنياي ياكثر حاجاتها
الجعيد
مرحبا يافتى عندنا لك القدا مايجيك الردا
وعندما لم يستطع خصمه مجاراته اضطر المسعودي للتغيير مره اخرى
المسعودي
سرا الليل ياساري على نور كشاف = طفت لمبة الكشاف والليل ساري
بعد قلت تكفى غير القاف بالقاف = اكيل العدا ليا وليت ابا داري
الجعيد
سرا الليل ياساري ثقيلات وخفاف = احسبك معي واثرك يطراك طاري
ترى مايمح البحر عشرين مغراف = حذاري يجيني غير ما اطلب حذاري
المسعودي
انا لو ابوصفك وش كثر الاوصاف = لقيتك مشكل مثل الرز البخاري
الايام ماترضي عتيبه والاشراف = ودق المعاني مثل دق الشباري
الجعيد
لو اقرا علي قلبك من الميم والكاف = خبطتك كما خبط الصقر للحباري
لكن انت لك ميقاف وثياب نظاف = ولو كنت داري قلت ماني بداري
المسعودي
بسيطه بسيطه ياصقر ريشك انتاف = وانا رجل شبه بالحباري لغيرى
قريص الحنش شالوه في وسط الاسعاف = على شفة الحقره وهاك المحاري
ويغير الجعيد
يامرحبا شاعر بني مسعود = بالعزوه اللي تحتمي التالي
اريت لي براق فيه رعود= عساه يسقي الارض همالي
المسعودي
عل البقا ياهل الكرم والجود = الحزب ربعي والسعد فالي
البرق خلاها سهود ومهود= يسبح بها رجلي وخيالي
الجعيد
ان كان ثار الملح والبارود= ويش البصر في بعض الاحوالي
العلم ثابت ماعليه شهود = تبا تذوق المر والحالي
المسعودي
اهل الثمر مثل الثمر فالعود = واهل البحر في بحر جوالي
مدري ولا عل الغريب يعود = عساه يمسي خالي البالي
الجعيد
لا والله الا دوب جات ورود = والدلوو اشوفه يضرب الجالي
واللي تلبس ثوبه المحرود = ياهل فزع طرقي وجمالي
المسعودي
لا والله الا دوب جات سنود = مابه حرامي ينهب ريالي
ياكبر غيض اهل القلوب السود = تبا تسمملي بفنجالي
الجعيد
ان كان شفت الطق جا فالعود= نبا نصيح في ضحى عالي
ترى عميلك مايحب الزود = مير اختلف معناك ياخالي
المسعودي
تبا تقوم لك قلوب رقود = الهم سنه مدري يورالي
مضهود ياراس الجمل مضهود = تبا السفر وحمولك ثقالي
الجعيد
لن سلتين حبل الشقا ممدود = لكن انا بطوي حبالي
بغيت اصيح فالولد والعود = لكن يالصاحب يورالي
المسعودي
مانته على الشقا محدود= ثوب الجديد احسن من البالي
ياللي تصيح وتدرق في حيود = وش ياخذ التايه من الجالي
الجعيد
الراس مايقدح بغير زنود = عيا يسر الثوب وعقالي
تبا الشكاله ماتحب لي فود = لن صحت فالاول مع التالي
المسعودي
سكرت هبوبك ياهبوب النود = بغت ركون البيت تنهالي
ياشعيل ياللي جيت قبل نقود = لافيك كبد ولالك طحالي
المسعودي * محمد ابن توم الثبيتي
ابن تويم
ترا هذي الديره يسمونها ام سباع = وفيها سباع تاكل الذيب سرحاني
المسعودي
ترا يالعتيبي ماش طمعه ورا طماع = ولو كل واحد قال انا احسن من الثاني
وانا جيتها فالصيف ماجيت فالمرباع = وش تقول جيت السبع والسبع ماجاني
ابن تويم
سنين مضت يوم ان برق الحيا لماع = ورعده يهز الغيث في غر الامزاني
ديارك يجيها السيل طافح مع الارواع = صلاة العشا وقته ومع الصبح رجعاني
المسعودي
لياطاح للارض المطر يفرح الزراع = ويزرع محل الحمض خوخ ورماني
على باخرتكم يابخاره نشوف شراع = ولو ينقشع عن بطنها حملها باني
ابن تويم
انا اباه يفرح مير اظنه يبا يرتاع = وانا ياعميل الخير ريض وعجلاني
وبعض العرب لو حمية الشمس زبده ماع = وراع السفينه ليش حاله بتعباني
المسعودي
طويل الجبل ينتز من زهبة المدفاع = ولابد فيها نار والنار دخاني
عسى يلحق المدهون منها دهون ذراع = وانا لو يسيل السمن ماذقت بلساني
ابن تويم
تراها مزوحتروح في وقتها في ساع = ولاتنقل الخيفه من فلاني وفلاني
زمان المنايا نابها للدمي شلاع = عرفنا تبوك ونعرف حدود عماني
المسعودي
انا ما آخذ السكين فالابتر القطاع = وعارف عناوين المراسل وعنواني
ويا حية فالبحر موزاك راس صباع = ملي نص بطن الداب من دم الانساني
ابن تويم
رفعتك على سطح القمر عن جماد القاع = واشوفك ليا مرباك تنظر بالاعياني
ولافالبحر حيه يسولف بها الشراع = يقولون مابه غير موج وحيتاني
المسعودي
عيوني تعاين فيك يابو عيون اوساع = تحب الفرح والا تحب الحميداني
ولا ياعميل حط سطح القمر مرباع = صنعت السفينه مثل صنع المريكاني
ابن تويم
سوالف عوارف جاتنا بالمتر والباع = يسولف بها عبدالله اشكال والواني
والا يالهذيلي ماقسى الطري المقراع = ولاقلت لك عض الاصابع بالاسناني
المسعودي
ولا ياعميل مايردك مية فراع = لياشفت منك زهوق ماشلت لك عاني
اثر للدهر صياح لو البطون شباع = ومنهو بلاه الوقت يالله لاتبلاني
ابن تويم
انا شفت عبدالله يكيل الدخن بالصاع = لكن احترمت الضيف ماني بزعلاني
المسعودي عالي العصيمي
المسعودي
يالعصيمي بعد تله ومله دوب دوب = اعذر الغايب وناخذ علوم اللي حضور
اهل باكستان اثرهم يعرفون الدروب = واثر فرخ البط عوام حتى فالبحور
عالي
يالهذيلي بعد تله ومله توب توب = وان سرانا مادرانا عن اقصاف الظهور
او نحط السكره في بحر جده تذوب = مار من يبعثك يالميت اللي فالقبور
المسعودي
ماخبرنا ام الكبائر قليلة الذنوب = والبيوت الظالمه من ينورها بنور
من يعرفكم برووس القبايل والشعوب = وانت لاصت العشا صبح ماصت الفطور
عالي
العتيبي عادته مايغر من الدروب = قام حطي واعتلا يوم انت تدور
انت مثلي يوم غادرت مكه للجنوب = عابرٍ بربلين وقت الحرابه والعبور
المسعودي
كل من ربي يحبه منالناس امحبوب =لايكود انك من اللي يدهنون السيور
علم اللي ماتعلمك مجبر وامغصوب = وش كسبت من السنين الطويله والشهور
عالي
احمد الله راس مالي حفظته فالجيوب = وان عطانا ماعطانا يكود من العشور
لو بدت شمسك يابو زيد قافيها الغروب = ماجمعته من ذهب يابيض الوجه مخشور
المسعودي
من يحطك جندي اول ياخظاظ الغروب = وانت ماتعرف جنود الدفاع من المرور
لو تشب النار في كسرة مابه هبوب = الحطب يقضي وقدر الشراكه مايفور
عالي
جندي الجيش المسمى لياجات الصعوب = مدفعه ضد العدا يوم فردك مايثور
مار خلك فالمطافي ولاتنصى الحروب = كل ماجات الحرايق بونانك تدور
المسعودي
ياطوير العذق مالك غناه عن الحبوب = اسمك طوير الشعاء واسمك طوير السحور
وين تلقى زوجةً مايجي فيها عيوب = يامطلق زوجته في سنة غلو المهور
عالي
قالوا راع الفن مالك غناه عن اللعوب = ما ابوها مايكبك ليا شد السيور
هذه محاورة بين ثواب المسعودي والعمي عبدالله بن سنان الذيابي وتدخل فيها المسعودي وفيه ضحك وفكاهه لاتوصف ...ويبدوا ان البدايه من العمي
ثواب
هلا يامرحبا ترحيب فالمضوا وفالمسراح = عسى خصمي سواة الناس ( والعمله سعوديه )
غصون السدر تطلع حب مثل الخوخ والتفاح = وانا مخي بوسط الراس ( والعمله سعوديه )
عبدالله بن سنان
وراك تقوم ياخصم سوات السارق المزاح = تبل الحبر والقرطاس ( والعمله سعوديه )
غصون السدر عندك وانتبه يافزعة الصياح = لقفها الطرقي العساس ( والعمله سعوديه )
ثواب
عسى ام الغيث فيها غيث يوم تدور الافراح = اشوفك ماتبا المجلاس ( والعمله سعوديه )
انا ماهمني منهو يجي وامثالكم من راح = وراسك مافيه اضراس ( والعمله سعوديه )
عبدالله الذيابي
ترى ام الغيث عندك ساكنه ومراح ماش مراح = تعمرها بليا ساس ( والعمله سعوديه )
................. الماهر الجراح = لقاك بمسجد العباس ( والعمله سعوديه )
وهنا يقوم الشاعر عبد الله المسعودي
انا هيض عليه الفارس اللي يبلع الارماح = يجردها بدون لباس ( والعمله سعوديه )
ابا انصى الديره الممطوره اللي سيلها نقاح = وابيع النجر والمحماس ( والعمله سعوديه )
عبدالله الذيابي
حلفنا عقب هذي مانفكك لو تنوح نياح = واقص المقصره بالفاس ( والعمله سعوديه )
لك الله ماعليه منك ياطير بدون جناح = وابسقيك الشرا فالكاس ( والعمله سعوديه )
عبدالله المسعودي
تنادي كيف تسمع هرجة الذمام والمداح = لسان احمر يذوق الحاس ( والعمله سعوديه )
ولاياراس اجم الضلع ماينهد من نطاح = شريناك بذهب ونحاس ( والعمله سعوديه )
عبد الله الذيابي
ظليمه والظليمه تغرق اللي فالبحر سباح = كبسناها كما الكباس ( والعمله سعوديه )
ياراع السلعه اللي خايبه واصلاح ماش اصلاح = وصابك عقبها وسواس ( والعمله سعوديه )
عبدالله المسعودي
انا لو ابا كافح فالمصايب ماوراك اكفاح = ظهرك املس من الملاس ( والعمله سعوديه )
اشب النار تحت القدر والاصنج والقدر مافاح = مابه تجره من الافلاس ( والعمله سعوديه )
عبدالله الذيابي
انا ما احسب حساب الخصم لو انه حصاة ارزاح = ندسك الاسود النداس ( والعمله سعوديه )
انا والله ما احب البندق اللي ماتصيب الشاح = عساك بخير يادواس ( والعمله سعوديه )
عبدالله المسعودي
مالومك ذابحتك العله اللي عرقها نداح = دواك الثوم والبسباس ( والعمله سعوديه )
ترى الحلبه صواريخ بها صحه وسم ذحاح = ليا فنس لها فناس ( والعمله سعوديه )
شاعر مجهول ينزل الملعبه ويطلب عبدالله المسعودي
....
سلام الله رديه من اللي زاركم = رده وفا من هاجس حلو الحليب
ياهذيل انا ودي بزود اخباركم = ومن يسمع الداعي لزوم انه يجيب
المسعودي
يامرحبا ترحيبة منا لكم = اتداوي المرضان لين انه يطيب
ياقوم ياللي ماعرفنا داركم = نبا نعرف اهل الوطن واللي غريب
....
جدي منول ثم ابويه جاركم = ربعي عتيبه فاللقا سقم الحريب
ياهذيل انا ودي بعرف اسعاركم = منهو نشد ماضاع لو انه يغيب
المسعودي
ان كان جات صغاركم لكباركم =حشا وكلا مايضيع النا ذهيب
اسعارنا نار تلهم ناركم = يطيب لك ولا لعله مايطيب
....
ياهذيل وش فيكم علينا وش بكم = من يوم قام الذيب يعوي له لذيب
الذيب لاياكل سمان جفاركم = وتصبح بعدها غاشي عارضك شيب
المسعودي
ماتسمعون الصوت ياصم يابكم = الله يحييكم على ثنوة عصيب
الذيب طاير في شعاف بكاركم = من يوم هي بكار لين اليوم شيب
0000
حصرتكم والله ماافك حصاركم = (حتى تخلي الدار وتقفي رعيب )
ابيات متفرقه للمسعودي
بيتين x بيتين ولم يعثر على كامل المحاورات
مطلق
سلامي عليكم عد ماهلن الامطار = سحاب الربيع اللي مزونه يهلنه
ابا اقصر الخطوه وابا اطول المشوار = وابا انصى ديار شربت الصيف والكنه
المسعودي
هلا مرحبا ياللي تجي فالسنه زوار = عساها زيارة خير توصلك للجنه
انا ابالك الجنه ولا ابغى تجيك النار = ولا ادري نصيبك ويش بيحوش منهنه
السمعودي
يالعيون اللي تبين النوم نومي نومي = ماش احد يعطي عيال الناس زاد عياله
انت لاتومي براسك .. ليه راسك يومي = من رفع راسه وزاد ارخاه طاح عقاله
الجبرتي
عودنا جزار بالمنشار والقدومي = كم صبي كل مامره يمشي حاله
الجبرتي فالبحر يسبح شراعه رومي = كم نهار فالبحور الخضر شد رحاله
مبروك ابو ناب العصلاني
سلام رديه ومن جاه العطش يلقى الطريق = يرد العدود الميهات (( وكل حرف من اوله ))
انته سواة اللي ليا منه ضمي جاله شهيق = فيه السلاسل مبهمات (( وكل حرف من اوله ))
المسعودي
حنا رجال هذيل واحدنا يضوي له فريق = وانتم دلال مبرقعات (( وكل حر ف من اوله ))
ياهوه ياللي مع طلوع الفجر دايم لك نعيق = بطنك ذهب ومجوهرات (( وكل حرف من اوله ))
محاوره على نوع الشقر وقد اضطر المسعودي للدخول فيها بشكل يكشف عن درايته الكامله بهذا اللون
عالي العصيمي
ياخلف مد لي علم الوفا مده = دامة الله جمعنا عند الاصحابي
كل واحد ليا منه عبر مده = لازم اصحى بعلمك وانت تصحى بي
خلف الحساني
كل فارس يجيب الفعل من جده = بعد ماصار للحقان طلابي
العتيبي نرده من ورا حده = ....
وهنا تدخل المسعودي بعد ان أخطأ الحساني في شقر البيت عند كلمة ( حده ) ليكمل المسعودي
والتمر من جني النخل من جده = وان قصر عمر ابوك العام (طال آبي )
عالي
واحليل الجمل لو مااختلف بده = والمعاني نقلبها تقلابي
يابن مستور بد ( ابو حسن ) بده = وانتبه دوب جا فالدرب قلابي
الحساني
العتيبي دموعه من على خده = صار مذبوح من سيفي ومشعابي
مير ابرضيه واسلم على خده = وادبج العلم دبجات بمشعابي
ويتدخل المسعودي مره اخرى عندما اخطأ الحساني في تكرار القافيه بفنس المعنى
وقال
ان لقينا طيور الليل منخده = عب لي كيس لو الكيس (مش عابي )
عالي
ود ابو زيد يظهر سدنا وده = ياهل المعرفه وطوال الاشنابي
مير ود الخبر لصويحبك وده = وش بناخذ من الاخبار وش نابي
المسعودي
ياجمل من جفيلك طاحت العده = انت مكسور فيك الضرس والنابي
ودي احماك حتى تافي العده = فوق راس الجبل لوالجبل نابي
الكسرات
سليمان العبدلي
ياكوكب الشرق زوريني = في المملكه لو ثلاث ايام
طلي عليه وشوفيني = والا اكتبيني مع الايتام
المسعودي
ياكوكب الشرق غني لي = مادام انا ساهر ما نام
والا بغني مواويلي = واصحى المسلمين نيام
سليمان العبدلي
ياصاحب ابغاك تفتيني = في مشكله لي ثلاث اعوام
ياهل الفكر والمعاقيلي = وش بحر يصعب على العوام
المسعودي
ياراعي القال والقيلي= لاتدفع اقدامنا قدام
بحر الغرام آه ياويلي = ولا فيه لحمٍ بغير عظام
سليمان العبدلي
سلام رده وكيف الحال = واسالكم يابني مسعود
سهران ليه ثلاث ليال = سهران يوم العباد رقود
المسعودي
يامرحبا من وسيع البال= ترحيبةٍ سبلها ممدود
ان كان من هم همك زال = وان كان من حب (مش موجود)
عبدالله المسعودي والصحافه والصوره النادرة له رحمه الله
عنواين اللقاء الصحفي
(( الشاعر عبدالله المسعودي بعد 26 عاماً في حياته))
يقول
• هذه هي امنيتي في الحياه ؟
• الشعراء هم سبب تدهور الشعر
• نعم .. لا انفي عن نفسي هذه التهمه ..
• اول محاورة لي مع الشاعر .. ابراهيم لاحق الزويهري
هذيل قبيلة من قبائلنا العربيه العريقه .. لها ماض مجيد في جميع ضروب الحياه وهي كما عرفت فالتاريخ تقطن جبال مكه المكرمه وضواحيها .. وقد اشتهرت في الاسفار بكثرة شعرائها وجودتهم والشعر الهذلي ( عبدالله بن مستور المسعودي ) هو احد الشعراء الشباب في قبيلة هذيل وقد قال الشعر وهو في سن الثالثة عشرة من عمره وها هو يتحدث الينا عن اسباب كيرة الشعراء ...
0
0
**نحن نعلم ان الشعر وقرضه حالة طبيعيه ظهرت عند العرب منذ القدم ولقد نمت لديهم نمواً متسعاً شاسعاً جعل من الشاعر في تلك العهود الغابره الرجل المهاب المحترم عند جميع افراد القبيله ان لم تكن القبايل كلها وهذه الامور ممايحرص كل عربي على ان تتوفر له ، لذلك عملت الغيره دورها مع عامل النخوه والحميه المتأصلين في نفس العربي فنتج عنهما انه لقن الاب الشاعر ابنه الشعر والابن لقن ابنه أو اصدقاءه هكذا .. الا ان هذيل ساعدها على تكاثر شعرائها وجود منازلهم بالقرب من مواسم الشعر التي كانت تقام في العصر الجاهلي كسوق عكاظ واحتكاكها بقوافل الحجيج في العصر الاسلامي .
في الحقيقه ان الشعر النبطي لم يعد له جمهور كما هو الحال سنين خلت حيث كانت الاسواق الخاصه به تقام متتابعة متتالية سواء بمناسبة وبغير مناسبة ويحضرها مئات من الجمهور المتعطش لها ، ونجد اللعابه يتزاحمون على الصفوف ويقفون فيها الساعات الطويله بدون تذمر او ملل اما في الوقت الحاضر فاننا لانرى شيئاً في ذلك واذا كان هناك جمهور مازال يعشق هذا الفن بحرارة فانهم اناس قلة اذكر منهم على سبيل المثال لا الحصر الشيخ عبدالله البركي والشيخ حسن الجودي والشيخ احمد عمر المصموم والشيخ عبد الله العريمان وغيرهم ... وممن لا ازال اراهم في كل ملعبة او محاورة شعريه وهؤلاء من الذين عشقوا الشعر النبطي .
*ذكرت بان جمهور الشعر النبطي قد تدهور عن ذي قبل حتى اصبح لا حماس فيه ... ماهو السبب في ذلك ...
**لذلك فانني اولاً وقبل كل شي استميح زملائي الشعراء المعذرة ان كان ماساقوله فيه بعض الشطط عليهم فهم في نظري السبب الاول والوحيد في الفتور الذي نلاحظه الان على جمهورهم اذ ان ماينتجونه من اقوال ويبنون عليه المعاني ياتي في درجة ( الغثاء ) فبدلاً من ان يتعززوا في المعاني ويعمقوا المحاريف في اقوال طريفة لذيذة مطرية .. يذهبون الى مذاهب التفاهه والسخافه التي نفرت من حولهم الجمهور وهذا في نظري يقلل من قيمتهم ومعنوياتهم ومستواهم الشعري بدون ان يشعروا بذلك .
*اذكر حياتك الشعريه واول شاعر تلتقي به
**الذي اذكره الان عن حياتي الشعريه هو انني شاعر منذ ان بلغت سن الثالثة عشر من العمر حيث تأثرت بوالدي واخذت عنه ... اما اول شاعر التقي به على صعيد الملاعب او المساجلات فهو الشاعر الشيخ ( ابراهيم بن لاحق الزويهري ) الذي لايزال على قيد الحياه .. وذلك في وادي الزباره وبين عمارها من البدو .
*وعن رايه في تهمه الهجاء التي يعلقها به جمهور الشعر ... قال :
**اما عن هذه التهمه التي ذكرتها فهي شيء لا ابري نفسي منه .. بل اعترف بذلك فلقد كنت حينما بدأت اقول الشعر اميل كثيراً الى الهجو وهذه ظاهره لا بد لكل شاعر باديء ان يسلكها مرغما .. حيث ان مستواه لايساعده على موالجهة من سبقة الى الشعر .. فيحاول عبثاً الدفاع عن نفسه بما يكره صاحبه او خصمه والان وبعد ان بلغت مابلغت من الشعر اعتقد ان هذه التهمه قد تلاشت .
*وعن افضل الوسائل لمواجهة الشاعر الذي لاتعرفه ... قال :
**اذا كان الشاعر يعرف خصمه الاخر فانه يبني على مالديه من معنى ويكيل لخصمه بمثل مايكيل له اما اذا ما حضر شاعر الى ملعبه ما وجد فيها شاعراً اخر لم يعرفه يلعب مع شعراء اخرين ... فانه من الواجب عليه ان يتخلى عنهم بعيداً قبل ان يزج بنفسه في المعركه ثم ينصت الى مايقوله الشاعر المجهول لديه ليعرف من قوله قياس شعره ومدى استطاعته على الدخول معه .. واذا تاكد من ذلك فه ان يدخل او ان يقفل راجعاً اذا خشي الفشل وهذه اجدى الوسائل واسلمها في رأيي .
*وعند سؤاله ... هل يوجد بالباديه شاعرات نبطيات يقرضن الشعر ... قال :
**انا شخصياً لا اعرف ان هناك شاعرات في الوقت الحاضر يقرضن الشعر ... ولكن هناك رواية يعرفها كثير من ابناء البادية ... وسمعتها انا من الشيخ شايف هويدي المسعودي وهي ان قبيلة هذيل كانت غنية بالشاعرات وقد حصل ان قامت ملعبه في حماهم حضرها الشاعر المرحوم ( لافي العوفي ) وبعض الشعراء الا ان الشاعر العوفي لم يشأ في تلك الليله ان ينازل احداً منهم فنزلت احدى شاعرات سليم الى الملعبة وقالت تستثير لافي .. حيث كانت قد سمعت بشهرته ... بهذه الابيات :
الليله امسى هنا حب مجلوب *** مجلوب مدري من أي القرايا
لافك حبله ولا هو بمصلوب *** ولا اهله تعشوا ولا هم طوايا
وفعلاً .. نجحت المرأه الشاعره في استثارة ( لافي العوفي ) ورد عليها قائلاً :
يالاعب الفي والقاف ملعوب *** هيضتني ياحسين الروايا
الحب غالي وبالكيل محسوب *** ان كان تبغى لبقعك ذرايا
وعن سؤال الشاعر السمعودي عن عادة الفرح الجماعي المسمي ( الخليطي ) هل هي باقية ام اندثرت ... اجاب بقوله :
الفرح الجماعي ( الخليطي ) كما نسميه فالباديه عادة منتشره بين معظم القبايل في مملكتنا الحبيبه وهي ان يلعب الرجال والشباب مع النساء والفتيات سويا في ساحه واحده ولكن بشرط ان يبقى النساء متحفظات ببراقعهن وكسائهن وهذه عادة تعطينا صورة صادقة عن حسن النية لدى عرب البادية وطهارة قلوبهم وصفاء ضمائرهم ولكن .. هذه العاده قد اندثرت منذ مايقارب الخمسة عشر عاماً بسبب تدرج الحياه وتطورها .
*وعند سؤاله .. عن العيوب التي ترهق كاهله ... قال :
**ان الانسان لايستطيع ان يقف على عيوبه بنفسه الا نادراً والذي انتقدته على نفسي هي المجاملة للغير ولو كان ذلك يكلفني غالي الثمن .
*وعند سؤاله ايضاً عن امنيته فالحياه ... قال :
**امنيتي في هذه الحياه هي العفو ولاعافيه والستر في الدارين وذلك كل ما اجعله نصب عيني .
اجرى الحوار :
محمد بن عبدالله بركي ... في صفحة الباديه بجريدة الندوة عام 1387 هجري
هذه صور للراحل رحمة الله عليه
وفاته
قال الله تعالى
( ان الله عنده علم الساعه وينزل الغيث ويعلم مافي الارحام وماتدري ماذا تكسب غداً وماتدري نفس بأي ارض تموت إن الله عليم خبير ) صدق الله العظيم ... سورة لقمان
7
7
7
7
يسعى به امل من دونه اجل .. كان ... رحمه الله يطمع في توسيع مجال عمله فاكمل اجراءات سفره واجراءات استقدام بعض الفنيين واصطحب الاوراق اللازمه لهذا الشان ثم سافر الى تايلند وفي الليله التي يدخل فيها العاصمه (بانكوك ) وافته منيته ... حينما كان واقفاً على طرف بركه السباحه في احد الفنادق هناك ... فزلت به قدمه وهوت به الى القاع وهو لايجيد السباحه وفي مجتمع لايعرف لغة الاستغاثه ولم يخرج منها الا جثة هامدة في 16- 10- 1399 هجري فرحمه الله واسكنه فسيح جناته انه سميع مجيب
0
0
0
0
كان الخبر مثيراً لاي مواطن سعودي خاصة اذا ماقراء الخبر وهو على متن طائره للخطوط السعوديه اقلعت للتو من مطار بانكوك متجه الى السعوديه ولكن الاكثر اثارة ودهشه لهذا المواطن السعودي الذي يجيد اللغه التايلنديه هو الصوره الماخوذه من جواز سفر المتوفي والتي تعرف على صاحبها بعد ان افاق من الصدمه الاولى ، بعد عشرة ايام من هذه الحادثه شاع خبر سوداوي جداً ولم يكن ذلك الذي غرق في بلاد بعيده سواه .....
رحل المسعودي بعد مضى ستة عشر يوماً من عيد الفطر المبارك وترك جمهوراً غفيراً لم يراه بالعين المجرده وانما اكتفى بسماع اشرطه الكاسيت التي مازالت تحتفظ بصوت الراحل الكبير،
اتت جنازته الى السعوديه وصلوا عليها في الحرم المكي ، ودفن في مقبرة المعلاه ، ونعته قبيلة هذيل واعيان وشيوخ القبايل الاخرى والاصدقاء وكل من يعرف هذا الرجل وشعره .
7
7
7
7
7
ضميري لامني قدام أكمل دربي الماشي= يقول اصحى كفايه وش بقي من عمرك الفاني
مضى من عمرك الثلثين ضيعته على لا شي= ابا كف الضرر قدام اعلق فوقك العاني
وقلت انتبه ياضميري تسمع الواشي = انا رجال عاقل واعرف الاول من الثاني
مضى ثلث المراغه والجهاله والعقل ناشي= ولا يبقى لنا في صفحة الجهال عنواني
0
0
0
*شاعت بعد وفاته خمسه إشاعات بأنه لا يزال حي ، تتفاوت رواتها مابين ثلاثه سنوات ، حتى بعضاً منهم صابتة وسوسه في صحة الخبر ، ومن طرائف الاشاعات انهم رأوه يحج في عرفه ، واشاعه اخرى تقول انه صاحب محل ذهب في تايلند ،
والاشاعه الاخيره اتت من الطائف في عام 1419 هجريه وهو مصدرها من شخص ؟ وهو صاحب تاكسي بين الطائف ومكه ويقول صاحب التاكسي ركب معي شخص ما ؟ الى الطائف واثناء الملل من السفر شغلت شريط الكاسيت كانت محاوره بين صياف والمسعودي وفي نهاية الشريط قلت رحم الله المسعودي .... فقال ياخي من قال لك ان المسعودي توفى ،((( انا سافرت الى تايلندا ولقيته صاحب متجر ذهب وقام يحلف يمين بالله ويكررها وسألت المسعودي عن وجوده في تايلندا والناس تظن انه ميت قال له المسعودي بدأت في أعمال التجارة هنا وهذا المحل ملك لي ولا اعتقد اني سأعود (أ) انتهى كلام الراكب ))) .
0
0
0
*اشاعة اخرى تقول انه صاحب تاكسي في تايلندا حيث ركب معه سعودي مشوار ولمحه وشاف صاحب التاكسي يتكلم عربي .. عندما ساله ، وقال انت من وين ؟ قال من السعوديه ؟ وقال عطني اخبارها ؟ قال الراكب الحمد الله على مايرام ؟ قال وش اخبار شعار السعوديه ؟ فيه شيء جديد ؟ ، قال ابد زي ماهم ... عقب مامات المسعودي ، مات الجبرتي ،؟ قال سائق التاكسي مات الجبرتي ياللاااه وقام يبكي ،،، ويقول الراكب استغربت هذا التصرف ، وقلت له ليش ياخي تبكي ماتوا قبله كثير ومنهم الشاعرالمسعودي ، قال ياخي انا المسعودي من يقول اني مت ؟ ، انا قعدت هنا في تايلند ، وطاب لي الرزق في هذا البلد ، واسمع محاوراتي القديمه مع كبار الشعراء ،
جاء هذا الراكب للسعوديه ، ونشر الخبر ولقي لها رواجا بين محبيى هذا الشاعر ...
وفند تلك الافتراءات اخوه ونفى الخبر في جريده عطاظ ... وانما هذه خزعبلات من المهلوسين بمحاوراته ولا صحة لها اطلاقاً ،
* من الغرائب ان مجلة المختلف اجرت حوار مع الاشاعه عن وفاته وشعره ، وطبعت مايقارب 100 مئة الف نسخه حسب قول رئيس التحرير وبيعت كل النسخ ، وهذا اول مره يحصل في تاريخ المجله ان بيع هذا العدد .
رحمك الله ياعبدالله ابن مستور المسعودي ورحم جميع اموات المسلمين
الرثاء
مستور بن قنيع المسعودي والد الشاعر ( اطال الله في عمره )
سميت باســــم الله مطلع كلامي =اللي إليه الأمــر والمصيــــر
اللي بيده الحكم والــــعلم كله = ماحد عن امره يقدر التغيير
أطرى عليّه من زماني طواري=عسى طواري خير للتفسير
أمسيت أفكر في حدوث الليالي = في سرعة المنزال والمسير
الله تساعدنا على سرع مكرها=من مكرها قلبي يكاد يطير
يالله يا عالم على ما حصل لنا=تلطــــف بنا يا جابر الكسير
يالله تعوّضنا وترحم فـــــقيدنا=اللي رحل في وقته القصير
يالله تنـــــــظر له وتغفر ذنوبه = يا جاعل الأمر العسير يسير
عز الله إنا من فراقه حزانى =حزناً بعـــــيد الماد والتأثير
لكنّ ما نملك من الأمر حاجة =يكـــــــود ما يامر به الخبير
يالله يا مولاي تغفر خطيّتي =إن ابن آدم مطــــرح التقصير
نمشي على الدنيا وننظر عيوبها=ولا تنحصي زادت عن التقدير
يا عشاقة الدنيا كفى الله شرها=أنا لكم من مكــــــــرها نذير
مكّارة ما قط توفـــــي بوعدها=توعدوتغدر وكـــــذبها كثير
يا كاملين العقل منــــــها تزوّدوا=ليوم نفخ الصــــــور والتعبير
نهار ما ينفع قريب مــــــــوالي =لو كان في أعلى مرتبة وزير
يكون ما قدّمت من صالح العمل =تفرح إذا نادى بها الــــبشير
ياليت عبدالله
على المسعودي الرحمه من اللي يملك الرحمات = عسى الله يرحمه ويحط له فالخلد منزالي
حزنا عند موته والحزن ماينفع اللي مات = ولانملك سوى دعوه لواحد ميت بالي
دعينا له وندعي له عسى الله يقبل الدعوات = ويدعى له بعدنا فالجزيره جملة اجيالي
ذكرته يوم شفنا صورته واسمه على الصفحات = ذكرت الشاعر اللي صار شعره مضرب امثالي
ذكرت الشاعر اللي رافع نفسه عن الهفوات = عشيق للملاعب مايجيبه كل خيالي
والا ياليت عبدالله حي ويحضر الساحات = يشوف اللي نشوفه من علوم اخفاف واثقالي
يشوف القلطه اللي بعد موته ترسل العبرات = على وجناتها دمع من العينين همالي
يشوف القلطه اللي تذكر الشعار واللي فات = تصيح وتشتكي وتقول انا في حال يرثالي
يشوف الشاعر اللي في قصيده يحي النعرات = ويشوف الشاعر اللي يخلط الهين مع الغالي
يشوف الشاعر اللي همه الجمهور والضحكات = يدفونه لهرج عيب بين الناس ينقالي
يشوف الشاعر اللي همه المردود والشيكات = يسافر لاجلها لو كان في مخرم خلي خالي
يشوف الشاعر اللي مارفع نفسه عن الزلات = ويشوف السامري عود هجيني وموالي
يشوف الي ليا سمع الشتيمه يرفع الاصوات = ينادي : عيد .. عيد .. ابصوته اللي مرتفع عالي
يشوف ولا يشوف الا علوم جلها حسرات = ويقارن بين شعر الاولين وشعرنا التالي
وانا ماقلته الا بعد شفنا كثرة الغلطات = وعبدالله ماهو لا ولد عمي ولا خالي
هذها اللي نشوفه مايبى له يالرجال اثبات = ومن هو يحضر الساحات ذاق المر والحالي
واملنا في الكريم اللي بلطفه يصلح النيات = يغير حالة الساحات من حال ليا حالي
وانا ما اخص واحد وانقده بين العرب بالذات = وما يطري على بال العرب يطري على بالي
نشرت هذه القصيده بجريده المدينه يوم الخميس 22 ذو الحجه لعام 1419 للشاعر عيضه عطيه الحارثي
اقوال الشعراء
صياف الحربي
(( يقول صياف السحيمي لم يكن المسعودي شاعراً عادياً والدليل على ذلك انني لم اعرف المحاوره بمعناها الحقيقي الا عندما لعبت معه وهكذا بدا شاعر الخليج صياف الحربي حديثه عن الشاعر الراحل وسال عن بداية معرفته بالمسعودي قال صياف كنت متوجهاً الى مدينة جده واستوقفني حفل اجتمع فيه مطلق الثبيتي ، مبروك ابو ناب ، ومحمد ابن تويم ، السواط ، العصيمي ، والمسعودي ، وكان المسعودي ضاغط على ابو ناب الامر الذي دعاني ان انزل وافزع له وهي اول مره اقابل هذا الشاعر الكبير عندما تدخلت فماكان من المسعودي الا اجابتي على بيتي وبعدها غير القاف ، واتي ببيت واحد فقط ، واجبته دون ان انتبه لما كان بداخله ، فصاح بي السواط محاولاً تنبيهي الي خطاي ، وعندما عدلت بيتي لم يعرني انتباهه واكتفى بالابتسام ، وفي مناسبة اخرى حيث ان ابدع المسعودي بيتاً تعجيزياً لم أستوعب منه الا الشطر الاول وكان ،
سلام بقاف بدري * على اهل السوق ابيعه = من يسومه * ونا بايع وشاري
وعندما شال صف المسعودي هذا الشطر لم يستطع صفي شيل الشطر الاخر لان كل منهما كان مبنياً على اربعة قوافي وبوزن ولحن جديدين ،
طلبت منه ان يعيد البيت فقال لي دون تردد (( لا .. اللي مايفهم كلامنا لا يلعب )) فما كان مني الا ان قلت له اسمع مني جواباً على ماسمعت منك ،
هلا والطيب مشري * ونابحرك ما اطيعه = لين اعومه * ولك خصم مباري
رحم لله السمعودي فقد كان شاعراً لم تشهد مثله ساحة المحاوره ))
0
0
0
مطلق الثبيتي رحمه الله
يقول لم استطع حبس الدمع في عيني لقد فقدت صديقاً وخصماً شريفاً ؟ ونعاه بهذه المرثيه
=""]
ما تنفع الشكوى ولا ينفع البكا = ولا تنــــفع الونات والأحزان
كنيتها حتى ضلوعي تحطمت = وشرهوا عليّ الصحب والخلان
أكنها عنهم ولا أحد(ن) درى بها= والقلب كنه في لظى النيران
والعين تسكب دمعها كل ساعة= حتى اشتكت من حرّة الأجفان
أبكي على فرقى صديق(ن( فقدته = بين اللحــــــــود وطية الأكفان
عشرين عام والهوى يتبع الهوى= أكثر من الخـــــــلان والأخوان
ما مرّ يوم(ن) ما ذكرته بخاطري= أخ وصديق وخــــيرة الجيران
من نشوته زين الرفاقة وعزهم =حصن وحصين وعاليَ البنيان
أبكيه لو إني عنود(ن) عن البكا = حتى الممات وتنقضي الأشوان
كنت أتمنى لو بعينك بكيتني = لكنّ هـــــــــــذي دبرة الرحمن
ما لي جدا غير البكا والتوجد= وارجي من المولى لك الغفران
0
0
0
مستور العصيمي
لقد كان عبدالله بن مستور خصماً لاتلين قناته ورغم ذلك احترمه وأحبه.
0
0
0
شليوح بن شلاح
كان خصماً شريفاً وشاعراً ملهماً في ميدان القلطه لا انسي ابداً تلك المحاورات التي جمعتني به في الرياض عام 1397 هـ لم اكن اعرفه ولم يكن يعرفني وقد وضعتنا اللجنه المنظمه لمهرجان الجامعه آنذاك وجهاً لوجه ، فكانت محاورات لايمكن تصور مدى قوتها ، فيما بعد اكتشفت ان شاعراً بحجم عبدالله خساره لايمكن تعويضها ابداً . رحم الله المسعودي رحمه واسعه .
0
0
0
جار الله السواط
من حسن الحظ اني التقيت بالمسعودي رحمه الله في عدد كبير من المحاورات . كانت المواجهه مع الشاعر الكبير ذات طعم خاص ولايمكن ان يمل الحضور من ملعبه هو فيها . لقد احتفظت ذاكرتي بكثير من الحكايات الطريفه والجميله مع المسعودي .. لقد كان صديقاً واخاً قبل ان يكون خصماً في ساححة المحاورات .
0
0
0
رشيد الزلامي
كان المسعودي شاعراً كبيراً تمنيت ان اقابله في الملعبه .. لن ينسى عشاق المحاوره هذا الشاعر ابداً .. رحمه الله فقد كانت له بصمه واضحه لايمكن اغفالها كما هو الحال مع الرعيل الاول من شعراء المحاورة من امثال الثبيتي والجبرتي رحمهم الله جميعاً .
0
0
0
راشد بن جعيثن
لاتفيد الكلمات في وصف الشاعر الاكبر عبدالله المسعودي لذلك سأخبركم بقصة حدثت معي منذ سنوات طويله فبحكم اهتمامي بالموروث الشعبي كنت ولازلت اجمع كل ماتصل اليه يدي خاصة مايتعلق بالمحاوره ، وكنت لذلك اشتري اشرطة المحاوره من سائقي الاجره القادمين من الحجاز وفي احدى المرات وجدت شريطاً نادراً جداً للشاعر المسعودي رحمه وبمبلغ كبير في نظر الذين لايعرفون المسعودي ولكنه في الواقع اقل مما يستحق هذا الشريط والكان المبلغ الفي ريال فقط ... بالنسة لي ولكل من يدرك معنى الشعر ويعرف اسرار المحاوره ، عبدالله المسعودي هو اسطورة المحاورة التي لن تنتهي ولن ياتي مثلها .
0
0
0
خليف بن دواس المطيري
في منتصف التسعينات الهجريه كنت في بداياتي مع شعر المحاوره واتذكر انني عندما وصلت الى جده كانت هناك ( ملعبه ) كبيره وتوجهت اليها فوجدت عبدالله المسعودي وفي مواجهته ثمانية شعراء اتذكر منهم صياف الحربي مبروك ابو ناب العصلاني مستور العصيمي جارالله الصواط مطلق الثبيتي ومحمد ابن تويم الثبيتي ... فقمت الى جواره لآدعمه في هذا الموقف واستمرت الملعبه .. فكان عبدالله ياتي بثلاثه ابيات وانا ببت واحد ... واحقاقاُ للحق لم يكن المسعودي بحاجه لمن يساعده كان متوهجاً جداً كعادته دائماً رحمه الله .
منقووووووووول