عدد الضغطات : 3,309
عدد الضغطات : 1,507
إظهار / إخفاء الإعلاناتالتميز
حقوق الملكية الفكرية : أنظمة المملكة العربية السعودية تمنع نسب أي منتج فكري لغير صاحبه المؤلف او المكتشف او الصانع لذا نهيب بالجميع الإلتزام بذلك وسوف يحذف أي منتج فكري مخالف مساحة إعلانيه

   
العودة   القوافل العربية > ۞۞۞۞۞القوافل الأدبيـة۞۞۞۞۞ > قوافل الدواوين الشــعرية
 
قوافل الدواوين الشــعرية صلاحية الإدارة والمشرف العام

الإهداءات

إضافة رد
 
أدوات الموضوع
   
قديم 20-12-2009, 09:24 PM رقم المشاركة : 1
معلومات العضو

الصورة الرمزية ابو عبدالرحمن

إحصائية العضو






ابو عبدالرحمن is on a distinguished road

 

ابو عبدالرحمن غير متواجد حالياً

 


المنتدى : قوافل الدواوين الشــعرية
افتراضي ديوان الشاعرالكبير/سويلم بن هندي الثبيتي

بسم الله الرحمن الرحيم






اضغط على الصورة لرؤيتها بالحجم الطبيعي








يسرني أن أضع لكم ديوان يتخلله بعض القصائد لأحد شعراء القبيله والذين لهم ثقلهم في الساحه

الشعريه

وهو الشاعر المغفور له بإذن الله تعالى / سويلم بن هندي بن عيسان العريدي الثبيتي العتيبي ..

وآمل من أبناء عمومتي أن يعينوني مشكورين على تكملة القصائد التي لم تنشر بعد في الشبكة

العنكبوتيه ..





أبطى مشاري والليالي طويله =وعيني تهل دموعها من عناها
والقلب له خمسة شهور بغليله =ونارٍ تزايد في ظميري سناها
أضحك وأسولف والسوالف جميله =وأبكي وأعاين فالنجوم وسماها
يالله يامحي العظام الهزيله =ياباسط ٍ سبع ٍ وسبع ٍ بناها
يامزيل ضر أيوب ضرّه تزيله =ياعايد ٍ يوسف لعين ٍ قصاها
عين ٍ تردّى شوفها من هجيله =وشمّ القميص وريح يوسف دواها
باسمك وجاهك يامنشّ المخيله =ترجع لنا نور البلاد وذراها
الشيخ وابن الشيخ عز القبيله =قبيلة ٍ لافرّق الله عصاها
نضرب بها روس القلوب العليله =ولولا الحمايا الدار كلّن غزاها
دار ٍ حميناها بخشم الفتيله =وشلف ٍ نروّي حدها من عداها
واليوم صارت قسم واحد نحيله =خشر الخوان بورث أبونا نفاها
وإن كان مازبّن مشاري دخيله =أرضن نبا نفنى ويابس ثراها
لاشك ماأرضى من هل العلم ميله =عيال الشيوخ اللي طوال ٍ خطاها
اللي ليا شان الدهر ترتكيله =وبيوتهم يفرح بها من نصاها




أنا ليا واجهت فيحان في خف =عن روحة ٍ للسيف هم وكلوفه
عن روحة ٍ للسيف همّي توقّف =ودنيا تفرّق ماعليها حسوفه
لاشك أبا خذلي مع الشيخ ماطف =وأضحك معه بأيام ريفي بشوفه
شيخ ٍ يدسّم شارب الضيف ماحف =وجيران بيته ماعليهم حفوفه
يابعد فرقى الناس ماطول هم صف =الاسم واحد والفعول معروفه
أحد ٍ على نصف الريال يتحسّف =وتابس على القرش السعودي كفوفه
يازين زوله بالهدوم يتعطّف =عوده ليان وبارد ٍ دم جوفه
ماله بقولة سيّروا يمّنا شف =تكثر من الحي الموالي ظروفه
جعله فدا اللي بابهم مايطرّف =من خوف تمسي بالشوارع ضيوفه
بيت الامير اللي بقومه مكلّف =وعينه عليهم بالرضا والمروفه
ماهو غبي في دايرة نجد يعرف =طلعة سهيل مكمّلات ٍ وصوفه
ولا خطاة الشيخ نفرح ليا هف =هفّة حصاة ٍ بالقليب محذوفه
أذهن من اللي ينتبه قبل يحذف =وأمارته من كل صوب معيوفه
تعطيه غارات الضحى بالضحى كف =وش ينبغيبه جعل بقعا تلوفه






مرحـوم ياشيـخ القبيلـه والاجنـاب=ابيض وجه ماخان عهـد المعازيـب
يهفي له ارقابٍ ويعتـق لـه ارقـاب=ويقعد بحد السيف روس الاصاعيب
على النقاء ماهم في جـار الاطنـاب=معش الطيور الجايعه من عشا الذيب
والخيل من حسـه يروحـن هـراب=ضلـع البتيـراء يسهجنـه جناديـب
يكفخ بجنحان السعـد مثـل حطـاب=حر ٍ شهـر مـن نايفـات المراقـيـب
راسي صفا من صافي الدمع ماثـاب=على ابو ماجد جايـزه شقـة الجيـب
ابكـي و يبكو نـه شبـابٍ وشـيـاب=واللي يبا عن شو فـه السجـن تجنيـب
وتبكيه قطعـان ٍ تبـي نبـت الادعـاب=حرز ٍ لهـا فـي حاميـات اللواهيـب
دنيا ودين وكمـل العمـر ماعـاب=وش فيه يلقو ن العرب مـن عذاريـب
ياما عطا من سبـّق الخيـل واركـاب=وعشـايـر ٍ تملا كـبـار المحالـيـب
وحمر الفروت مقربـّة دار الاحباب=و يو في عن المطلو ب كـل المطاليـب
واملاك يعطيهـا بـلا مـن و حسـاب=من ضمنها مـران والحفـر ومغيـب
وواد الرشا كل قضب فيه مقضـاب=ماقالها بالمتر اشترو مـنقـع الطيـب
سهيل غاب وعندنا الجـدي ماغـاب=تركي عليه ارسوم عطب المضاريـب
واخوانه الخمسه عريبيـن الانسـاب=ذخر لنا في جاه مـن يعلـم الغيـب
الله يجنبهـم صـواديـف الاسـبـاب=ويرفع لهم جاب على الناس ومجيـب
مانيب اقوله قضب خاطـر و نصـاب=يطلع صميم القلـب زيـن الهناديـب
انها العريدي ماطراله وماطاب=ابيات فيهايسمعون اللواعيب
ماهو ب جاحدها ولاهوب كذّاب =بالشيخ ابو ماجدعريب المجاذيب
ناس ٍتبي مثله على كل هنداب=مير الفعو ل مسكته و التجاريب
ومسلط و تركي يوم جاحزم كلاب=والجمع سار وعقلو شمّخ النيب
و ردوكماميراد ابوزيد وذياب=لين اهزمو عنا الجموع المراقيب
وردوبربع ٍشوفهم عزواعجاب=عيال جد ولا بهم خلط اجانيب
ورد القطيع اللي ورد عقب معزاب=حاديته الكنه وحام اللواهيب
يتلون حر ٍضرب كفه لياصاب =يفرالنحرمضراب روس المخاليب
ماله عن الجدان منهج و مجناب=شيخة ملك ماهيب شيخة مناصيب





لا والله اللي راح منا فقيده=تفجعت منه القلوب المواليف
ما حط في البنك السعودي رصيده=ينفذ حصيل يديه للجار والضيف
شوفت ضيوف الليل ريفه وعيده=وطلعه على القارح بعيد الاطاريف
الدين كامل والخصايل حميده=لو كانت القرنه دهر كنها ريف
لو البكاء المفجوع مثلي يفيده=بكيت لو قال اكثر الناس ياحيف
مرحوم ياذاك الشجاع الوليده=صيحة طلق وصلت من السيف للسيف
الموت سنه والعوض بالشريده=جعل الثلاثة مثل ابوهم على الكيف
اهدافهم عن كل زله بعيده=ويطوعون اللي براسه زعانيف
وان جو على جمس تقادح حديده=يمكن يزوع الماء الاديتر من الحيف
ان واجهوا منصور وإلا عضيده=سعد هو اللي بانتظار المناكيف
يوم اجتمعنا العام عند الوعيده=لولا سعد ضاقت علينا المحاريف
وبندر عسى بندر حياته سعيده=ألين من الديباج واقطع من السيف
ادعيلهم في كل شمس جديده=بالعز والتوفيق في كل توصيف




انتهيت من السوالـف والمـزوح =اغفـر الـزلات يـارب الغفـور
يامنجـي بالسفينـه قـوم نـوح =أهلكت فرعـون غبـات البحـور
ياإلهي عن عذابـك ويـن اروح =فرج الضيقـات للعبـد الشكـور
فرج الضيقـات للعبـد اللحـوح =جعل ذيك المظلمه برضـاك نـور
من يحوز رضاك يبشر بالنجـوح =وأنت خـلاق الاناثـي والذكـور
لكل من يرجيك مانتب بالشحـوح =تطلع الماء من صفا صم الصخور
يامثبـت بالسمـاء نجـم يلـوح =والقمر والشمس وحساب الشهور
ترحم اللي معك بالقلب النصـوح =والرجاء والخوف في صدري يفور
جعلها مد النظـر طيـبٍ يفـوح =وأرحم اللـي ساكنيـنٍ بالقبـور




الشاعر / سويلم بن هندي بن عيسان العريدي الثبيتي العتيبي ..






رد مع اقتباس
 
   
قديم 20-12-2009, 09:45 PM رقم المشاركة : 2
معلومات العضو

الصورة الرمزية صقـر عتيبـة

إحصائية العضو






صقـر عتيبـة is on a distinguished road

 

صقـر عتيبـة غير متواجد حالياً

 



الاوسمة

كاتب الموضوع : ابو عبدالرحمن المنتدى : قوافل الدواوين الشــعرية
افتراضي رد: ديوان الشاعرالكبير/سويلم بن هندي الثبيتي

أخوي ابو عبدالرحمن

مشكوور على طرح الديوان لشاعر

سويلم بن هندي بن عيسان العريدي الثبيتي العتيبي

الله يرحمه ويسكنه فسيح جناته

ونرجو من عنده قصايد لشيخ يطرحها هنااا

وتم حذف الرابط يا اخوي ابو عبدالرحمن وتم تنزيل القصايد

لك تحياااااااااااااااتي

صقر عتيبة







التوقيع

اضغط على الصورة لرؤيتها بالحجم الطبيعي
اضغط على الصورة لرؤيتها بالحجم الطبيعي

( عتيبة جناح الصقر وثبيـت هامتـه *** ولا يستـوي طيـر بغيـر جـنـاح )

رد مع اقتباس
 
   
قديم 20-12-2009, 10:00 PM رقم المشاركة : 3
معلومات العضو
عضو الوسام الفضـــي

الصورة الرمزية ساحر القلوب

إحصائية العضو






ساحر القلوب is on a distinguished road

 

ساحر القلوب غير متواجد حالياً

 


كاتب الموضوع : ابو عبدالرحمن المنتدى : قوافل الدواوين الشــعرية
افتراضي رد: ديوان الشاعرالكبير/سويلم بن هندي الثبيتي

اضغط على الصورة لرؤيتها بالحجم الطبيعي




يعطيك العافية شاعرنا الكريم







التوقيع

اضغط على الصورة لرؤيتها بالحجم الطبيعي

رد مع اقتباس
 
   
قديم 20-12-2009, 11:15 PM رقم المشاركة : 4
معلومات العضو

تراحيب المطر


الصورة الرمزية خيّال

إحصائية العضو






خيّال is on a distinguished road

 

خيّال غير متواجد حالياً

 


كاتب الموضوع : ابو عبدالرحمن المنتدى : قوافل الدواوين الشــعرية
افتراضي رد: ديوان الشاعرالكبير/سويلم بن هندي الثبيتي




الله يرحمه ويسكنه فسيح الجنات


شاعر مبدع وقصائد تكتب ابياتها بماء الذهب


شكرا لك ابو عبدالرحمن







التوقيع




......

رد مع اقتباس
 
   
قديم 21-12-2009, 02:48 AM رقم المشاركة : 5
معلومات العضو

إحصائية العضو






ابن عميش will become famous soon enough

 

ابن عميش غير متواجد حالياً

 



الاوسمة

كاتب الموضوع : ابو عبدالرحمن المنتدى : قوافل الدواوين الشــعرية
افتراضي رد: ديوان الشاعرالكبير/سويلم بن هندي الثبيتي

اسأل الله ان يفغر للشاعر ويسكنه فسيح جناته

ابو عبدالرحمن

لك الشكر الجزيل على هذه

الجهود الرائعه والقيمه

سلمت يمينك ...لك

التحيه والتقدير







رد مع اقتباس
 
   
قديم 21-12-2009, 01:32 PM رقم المشاركة : 6
معلومات العضو

الصورة الرمزية ابو عبدالرحمن

إحصائية العضو






ابو عبدالرحمن is on a distinguished road

 

ابو عبدالرحمن غير متواجد حالياً

 


كاتب الموضوع : ابو عبدالرحمن المنتدى : قوافل الدواوين الشــعرية
افتراضي رد: ديوان الشاعرالكبير/سويلم بن هندي الثبيتي

صقر عتيبه

مشكور على مرورك المشرف

بصفحتي يالغالي


تقبل تحياتي






رد مع اقتباس
 
   
قديم 21-12-2009, 01:37 PM رقم المشاركة : 7
معلومات العضو

الصورة الرمزية ابو عبدالرحمن

إحصائية العضو






ابو عبدالرحمن is on a distinguished road

 

ابو عبدالرحمن غير متواجد حالياً

 


كاتب الموضوع : ابو عبدالرحمن المنتدى : قوافل الدواوين الشــعرية
افتراضي رد: ديوان الشاعرالكبير/سويلم بن هندي الثبيتي

ساحر القلوب

مشكور على مرورك المتميز

بصفحتي يالغالي


تقبل تحياتي






رد مع اقتباس
 
   
قديم 21-12-2009, 01:40 PM رقم المشاركة : 8
معلومات العضو

الصورة الرمزية ابو عبدالرحمن

إحصائية العضو






ابو عبدالرحمن is on a distinguished road

 

ابو عبدالرحمن غير متواجد حالياً

 


كاتب الموضوع : ابو عبدالرحمن المنتدى : قوافل الدواوين الشــعرية
افتراضي رد: ديوان الشاعرالكبير/سويلم بن هندي الثبيتي

خيال

مشكور على مرورك المزهر

بصفحتي يالغالي


تقبل تحياتي






رد مع اقتباس
 
   
قديم 21-12-2009, 01:46 PM رقم المشاركة : 9
معلومات العضو

الصورة الرمزية ابو عبدالرحمن

إحصائية العضو






ابو عبدالرحمن is on a distinguished road

 

ابو عبدالرحمن غير متواجد حالياً

 


كاتب الموضوع : ابو عبدالرحمن المنتدى : قوافل الدواوين الشــعرية
افتراضي رد: ديوان الشاعرالكبير/سويلم بن هندي الثبيتي

بن عميش

لك الشكر والتقدير

على مرورك المشرف والمتميز

بصفحتي يالغالي


تقبل تحياتي






رد مع اقتباس
 
   
قديم 26-12-2009, 11:31 PM رقم المشاركة : 10
معلومات العضو

مشرف مميز


الصورة الرمزية الــزعــيــم

إحصائية العضو






الــزعــيــم will become famous soon enough

 

الــزعــيــم غير متواجد حالياً

 



الاوسمة

كاتب الموضوع : ابو عبدالرحمن المنتدى : قوافل الدواوين الشــعرية
افتراضي رد: ديوان الشاعرالكبير/سويلم بن هندي الثبيتي

مشكووور على الطرح الرائع

الله يرحم الشاعر سويلم الثبيتي

قصايده مميزم وجميله ننتظر من قصائده

الله يعطيك العافية

تقبل تحيااااااااااااتي الخاااااااااااصة







التوقيع

اضغط على الصورة لرؤيتها بالحجم الطبيعي

رد مع اقتباس
 
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 06:59 PM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
Ads Management Version 3.0.1 by Saeed Al-Atwi
الحقوق للقوافـل العـربية: جوال الرسائل 966553850455+

a.d - i.s.s.w

RSS 2.0 RSS XML MAP HTML Sitemap ROR