عدد الضغطات : 3,309
عدد الضغطات : 1,507
إظهار / إخفاء الإعلاناتالتميز
حقوق الملكية الفكرية : أنظمة المملكة العربية السعودية تمنع نسب أي منتج فكري لغير صاحبه المؤلف او المكتشف او الصانع لذا نهيب بالجميع الإلتزام بذلك وسوف يحذف أي منتج فكري مخالف مساحة إعلانيه

   
العودة   القوافل العربية > ۞۞۞۞۞القوافل الأدبيـة۞۞۞۞۞ > قوافل الدواوين الشــعرية
 
قوافل الدواوين الشــعرية صلاحية الإدارة والمشرف العام

الإهداءات

إضافة رد
 
أدوات الموضوع
   
قديم 18-10-2007, 10:03 PM رقم المشاركة : 1
معلومات العضو

الصورة الرمزية binhlailبن هليــل

إحصائية العضو







binhlailبن هليــل تم تعطيل التقييم

 

binhlailبن هليــل غير متواجد حالياً

 



الاوسمة

المنتدى : قوافل الدواوين الشــعرية
Exclamation ديوان بن جدلان...؟؟؟؟

يا وليفي

يا وليفي دمعكـم فـي غيابـي رد لـيوأدري .....أن دمعتك خوفٍ علي ومن غلاي

أنت ممرضني وأعرف المرض فيكم وفي.....والهبوب البارده منك هبت فـي حشـاي

والله أن كبدي عليكم عراويهـا أضمـي.....والمشارب غير هرجتك ماتقطع ضمـاي

كيف تستغرب بطاي ومجيي يـوم أجـي.....منك أجيك أبدون راي واروح بدون راي

ليلي أسهر به والا جاء النهار اشلا شوي.....مـرتٍ أشـلا ومـرٍ يعاودنـي بــلاي

وأنت سبة كل شـيٍٍٍٍٍٍٍٍٍ ولا داويـت شـي.....كيف يا قـادر علـى داي ماتقـدر دواي

بعدمـا شتتـوا الفكـر وأخليتـوا يـدي.....كثرت أعلوم الشماميت وأفرحتوا عـداي

مابعد جاني من يـوم التقوبـي والـدي.....ولا بعد مر المحبين من حـواء وجـاي

لوخبر حـي يعـزا علـى فقـدان حـي.....كان يمدي من عرفني يشاركني عـزاي

عل يسقا يوم كان الهوى ما غيـر غـي.....فأول الرحلـه مثـل مبتـداك و مبتـداي





فز قلبي






مل قلبٍ من هوى الخدرات عيـا.....باقيٍ له من هـوى خلـي بقايـا

لا بغيت أسج من سمـح المحيـا.....شفت من وصفه على غيره حلايا

فز قلبي وأنتبـه عقـب النسيا...واندش فكري وجـارن الكوايـا

راح يشرفبي على نـور الثريا.....لين وردني على حوض المنايـا

وان بغيت اجيه وصلـه ماتهيا.....لاصاروا العربان من دونه حمايـا

ياوليفـي لا تتسويبـي كـذيا.....الخطايا لا تلحقها الخطايالله عنايا

كل شـيٍ اعملـه غيـر الجفيا.....الجفا يزعـل وسيعيـن النهايـا





أنت غالي







ياعيون الي على المرقب تعـلا.....مايرب الا المراقيـب الطـوالا

طرتك منها غثا البـال يتجـلا.....لعسٍ من بينهـا بيـضٍ تـلالا

تذهل الي في جواهرهـا تحـلا.....واهني من ذاق من ريقك زلالا

لا..وجاه الله ومن زكى وصـلا.....ما نبيك الا على السنة حـلالا

مايرد الجوع شخـب فيالمفـلا.....ولا يخض السعن من ذودٍ هجالا

أنت غالـي ياحبيبـي لا تغـلا.....يثبت اللي بيننـا ايـامٍ طـوالا

والله اني ميسٍ من وصلـك الا.....فزعةٍ من ربنـا جـل و تعـالا

أدخل الضولات من شان أتسلا.....كود جرح القلب يبرا ويتشـالا

والمجنب مـن الاوادم مايخـلا.....لا سلم من شر ذولا جـوه ذولا




عيون الوحش






ويش اسوي ياعيون الوحش عنق الغزال.....لا حصل طاريك يفتح على قلبـي ارواق

لي ثلاث اسنين بين الحقيقـه والخيـال.....وآخر أشهر ذا السنه تكمل الرابع غلاق

شبه وضحاً في المخاضير زاهيها الحيال.....ما من غلاها عند اهلها تبارى ما تساق

تيهة من صغرهـا بيـن ثنتيـن هجـال.....مهتويها راعي البل و عاشقهـا عشـاق

عندي أنك ماخـذٍ تـاج ربـات الجمـال.....سلموك الحسن من باب صنعـا للعـراق





خفيات السراير






يا عيون مرقّب فأعلى الجدايـر.....في صعانين الطوال المستديـره

صاحبك يعطي على شوفك بشاير.....ديرة منتو بها ما هيـب ديـره

من خذا منكم خفيـات السرايـر.....والله إن يبطي ولعكم في ضميره

لبةٍ بيـن المعنّـق و الزرايـر.....مثل شمس الصبح قدام السفيره

و يتفرشها من الخمري ستايـر.....ذيل شقراً شعشعت قدم المغيـره

جوهرة قارون غاليـة التجايـر.....أشهد إنك بهجة العمر الكبيـره

واحد حظك مـع حظـه يسايـر.....شايفٍ القدر في العشر الأخيـره

جعل أبو من لامني حمر المناير.....في محبة واحدٍ ماليـب غيـره






حبك الصافي






الاياعيـون اموحـشٍ مابعـد لـزم.....عدا كل صقـارٍ بشبكـه ولا لزمـه

على القلب نارٍ ولعت في قرى حـزم.....وحطوا عليها من دقاق الحطب حزمه

يقاويك بن جدلان باصبـر والعـزم.....لكن حبك الصافي تغلب على عزمـه

تراني دخيلك يل حبيبي من الهـزم.....تموت الغزو ولا يقولـون منهزمـه






مشعف غرامك






يالي ليا جيت شيٍ تكمـل اوصافـه.....وألي بليـاك مـا تهـواه الاخلاقـي

ترى صوابي لجا وابطيـت بسعافـه.....يا منجح الكي لا تلحق على الباقـي

عامين والحال مـن فرقـاك ملافـه.....لف أشهب اللال عشبٍ نبته ادقاقـي

كم ليلةٍ من سببـك العيـن ذرافـه.....من غيبه الشمس لين الصبح ينساقي

ياعين حرٍعلى العسـرات مشرافـه.....عيطٍ لحاليحها تصعب على الراقـي

والعنق عنق ادمي عـاود لميلافـه.....متذيرٍعقـب مـروح ريـح تفاقـي

ملك من الجسم غير المتن واردافـه.....زاويه خصرٍ عليه الشبـر متلاقـي

لفيتنـي لـف سيـرٍ فـوق حذافـه.....وصرفتني من هوا تلعات الاعناقـي

فأدخل على امك وابوك من التزلافـه.....تبتنـي بالعـذاب وتقطـع أرزاقـي

البرق لجـا المشعـف زود أشعافـه.....وانا مشعف غرامك وانـت براقـي





يارسولي







واتـل قلبـي تـل غـرب ربـع سانيـه.....ماعين منه غير العراقي بـراس ارشـاه

على بو دليقٍ فوق دمـث النحـر كاسيـه.....سمار وبياضٍ يشبه النـور مـن منشـاه

اتشعشع اخلـوم البـدر لا فرقـه بيديـه.....يشادي الضبـاب الياتعـدا القمـر غطـاه

على عود موز يجري المـا معـا ساقيـه.....وزودٍ علـى زمـه نباتـه قـراحٍ مــاه

الا ياعيون الـي كشـف برقعـه راعيـه.....يتل السبوق وقام راعـي الولـع يشعـاه

الا يارسولـي بلغـه مـاقـدرت اجـيـه.....سلملـي عليـه وخـذ سلامـه وعطنيـاه

لا قالـوا تحبـه قلـت ماعادنيـب ابيـه.....وانا اشفق له اشفا من سقيم المرض لدواه

اقوي اعزومي كن ما عـاد عنـدي فيـه.....وانـا والله انـي مونـسٍ البـلا واكنـاه

عروق الحشا ماتنبـت الا علـى طاريـه.....تناما على قربـه وتهجـر علـى فرقـاه

فترى من يعذل مولع مـن هـوى غاليـه.....مثل من يحاول يعدل السيـل مـن منحـاه






خيار الدهم







كل دارٍ ارجعـت وانـا سنـاوي.....عزتي للي سواتـي عزتـي لـه

زادت الحمـى ورحنـا للمـداوي.....والمـداوي زود الحمـى مليلـه

ياجميله قام يطوي الحال طـاوي.....والله ان كبدي على شوفك غليله

والله ان قلبي على اللاماء شفاوي.....مير مافي يدي ولا في يديك حيله

سجليني في علـم حبـك فـداوي.....انا مجنونك بعـد مجنـون ليلـى

يارقبة الخشف يا عين النـداوي.....يا سراجيف الذلـول المستحيلـه

يا مناةٍ تنقصر عنهـا المنـاوي.....يا خيار الدهـم يالقبـا الاصيلـه

نعنبك انتي مكاسر عـود جـاوي.....ملبسك سندس شرابك سلسبيلـه

لو تمرين الشيوخ اهل الفتـاوي.....عودوا مثلـي يجـرون الطويلـه

من عشق شرواك والا لا يهاوي.....التقيد من بعض الاشيـا فضيلـه






النوامي






شعاني حمام فوق روس النوامي خلج.....تغني على روس النعانيع منسجمـه

آلاحيه من فرقاك يابو خـدودٍ بلـج.....عسى لايم الميلاف عبرود ابو نجمه

محبتك حطت في محاني ضلوعي فلج.....كما فلج سيل الوادي ضكته عجمـه






الضماير






يالج صدري مثل لجة حيـام الطـرش.....على عيلمٍ في القيض ميرادهـا فـرزه

على الي غرامه بارشٍ الضماير برش.....وحبه بصندوق الضماير طبـع حـرزه

حياتي بدونك يا لغضي ماتساوي قرش.....تكلم على المكشوف بالنيـة الجـرزه

محبه نظيفين الظماير نظاف الفـرش.....ما يحتاج فيهـا لا تخفـي ولا بـرزه

عسى دعوتي يفتح لها الله باب العرش.....يعاقب عباد مـا عرفنـا لهـا خـرزه





الأزمات






الشدايد يا جميلـه بالازمـات اختبـار.....ينعرف فيها الضلا الطويل من القصيـر

كل ماذكر حالتك بين غار وبيـن نـار.....راحت الدنيا بعينـي عبـوسٍ قمطريـر

تحسبن حبك محاه التشـدد والحصـار.....التشدد في المحبه هو الشـر الشريـر

شغلهم ضدي وضدك يعمر لـك وقـار.....في ضميرٍ ماسكن فيه قدامـك عشيـر

زارعٍ لك بخشةٍ من الزرار الى الـزرار.....نبتها ملمسك والعـود الازرق والعبيـر

شد حيلك لا يصيبك فشـل وإلا إنهيـار.....لا تصغر قيمتك وانت في عينـي كبيـر

لذة صبار الهوا مثـل لـذة الانتصـار.....لا تصدق من يقول الحسد مافيـه خيـر

لا تغيرب ماجرا من قنـا مثلـك يغـار.....كل شي ينشفـا فيـه ميصالـه عسيـر

الذهـب دونـه حراسـه وبيبـاٍ كبـاروالدرر..... من دونها هيبه البحـر الغزيـر

غير لاتيس و تكتب على نفسك قـرار.....يدفعك سوء التصرف على باس المصير

لولا شحي فيك جيتك أجاهر من نهـار.....غير ما يصلح مقـام بـلا راي بصيـر

فرصتي ويقت حرارٍ على ماكـر حـرار.....ما يعـود فالمحـل الربيـب إلا البعيـر

والله ان اموت ما جاك من عندي بـوار.....خل في قلبك ثقه والثقه كنـز الضميـر

خذ كلام اللي يشوفـك بعيـن الاعتبـار.....واحدٍ مالـك بقلبـه ولا عقلـه خشيـر

والمحبه مدرسة شي ثبوت وشي فـرار.....وانت درسي مع هل الحب الاول والاخير





يكفيك






في الناس شعثان روس وراسي اشعثها.....خصٍ ليا مـن قلبـي عيـن اغلاثـه

عكشٍ لامنه نـوى بالمـوت يبعثهـا.....بالجوف كنـه يخجـه سـرب نفاثـه

يالي كسوري مـن اجلـك لا توعثهـات.....ـراه ماينـفـع الغـالـي تعبـاثـه

يكفيـك نـارٍ علـى كبـدي مورثهـا.....لا اموت يمكن تجـي لعيالـي وراثـه

عن اعتداياتـك الـي كنـت تمكثهـا.....وسط الضماير تقول خطـوط حراثـه

مامرني فـي حياتـي مـن كوارثهـا.....ما عادلت من فراقـك خـوط كراثـه

كم لي وانا ارد نفسـي مـن تعلثهـا.....من خوفـةٍ يرخـص الغالـي تعلاثـه

أعيـاد ربـي اثنيـن وانـت ثالثهـا.....نهـار افاجيـك كنـي داخـلٍ غاثـه







التوقيع

اضغط على الصورة لرؤيتها بالحجم الطبيعي

رد مع اقتباس
 
   
قديم 19-10-2007, 12:22 AM رقم المشاركة : 2
معلومات العضو

مشرف الأقسام الأجتماعية


الصورة الرمزية المستشــار

إحصائية العضو






المستشــار is on a distinguished road

 

المستشــار غير متواجد حالياً

 



الاوسمة

كاتب الموضوع : binhlailبن هليــل المنتدى : قوافل الدواوين الشــعرية
افتراضي رد: ديوان بن جدلان...؟؟؟؟

مشكور وما قصرت على هذا النقل

قصائد جميلة

الله يعطيك العافية

لك

تحيااااااااااااااااااااااااتي







التوقيع

اضغط على الصورة لرؤيتها بالحجم الطبيعي

رد مع اقتباس
 
   
قديم 19-10-2007, 06:32 AM رقم المشاركة : 3
معلومات العضو
عضو مواصل

الصورة الرمزية V I P

إحصائية العضو






V I P is on a distinguished road

 

V I P غير متواجد حالياً

 


كاتب الموضوع : binhlailبن هليــل المنتدى : قوافل الدواوين الشــعرية
افتراضي رد: ديوان بن جدلان...؟؟؟؟

مشكوووووووور يابن هليل على هالنقل إبن جدلان شاعر كبير وفرصه قرينا له هالقصايد


خصووووصا قصيدة عيون لوحش:

ويش اسوي ياعيون الوحش عنق الغزال.....لا حصل طاريك يفتح على قلبـي ارواق

لي ثلاث اسنين بين الحقيقـه والخيـال.....وآخر أشهر ذا السنه تكمل الرابع غلاق

شبه وضحاً في المخاضير زاهيها الحيال.....ما من غلاها عند اهلها تبارى ما تساق

تيهة من صغرهـا بيـن ثنتيـن هجـال.....مهتويها راعي البل و عاشقهـا عشـاق

عندي أنك ماخـذٍ تـاج ربـات الجمـال.....سلموك الحسن من باب صنعـا للعـراق


وتقل مني الشكر مرة أخرى







رد مع اقتباس
 
   
قديم 28-10-2007, 06:10 AM رقم المشاركة : 4
معلومات العضو
عضو الوسام الفضـــي

إحصائية العضو






الـشـامـخ is on a distinguished road

 

الـشـامـخ غير متواجد حالياً

 


كاتب الموضوع : binhlailبن هليــل المنتدى : قوافل الدواوين الشــعرية
افتراضي رد: ديوان بن جدلان...؟؟؟؟

مشكوووور على النقل المميز

لك خالص التحايا







رد مع اقتباس
 
   
قديم 06-01-2008, 07:03 PM رقم المشاركة : 5
معلومات العضو

مشرف مميز


الصورة الرمزية الــزعــيــم

إحصائية العضو






الــزعــيــم will become famous soon enough

 

الــزعــيــم غير متواجد حالياً

 



الاوسمة

كاتب الموضوع : binhlailبن هليــل المنتدى : قوافل الدواوين الشــعرية
افتراضي رد: ديوان بن جدلان...؟؟؟؟

مشكووووور على هذا النقل المميز

الله يعطيك العافية

لك خالص التحية







التوقيع

اضغط على الصورة لرؤيتها بالحجم الطبيعي

رد مع اقتباس
 
   
قديم 07-09-2008, 02:42 PM رقم المشاركة : 6
معلومات العضو

الصورة الرمزية أميـرالقوافــل

إحصائية العضو






أميـرالقوافــل is on a distinguished road

 

أميـرالقوافــل غير متواجد حالياً

 



الاوسمة

كاتب الموضوع : binhlailبن هليــل المنتدى : قوافل الدواوين الشــعرية
افتراضي رد: ديوان بن جدلان...؟؟؟؟

بن هليل


الله يعطيك الف عافية على الديوان الجميل المميز وننتظر الجديد



لـــــــــــك تـــــــحـــــــيـــــــاااااااااااااااااااااااااا اااااااااااااااااتـــــــــي




أمير القوافل







التوقيع

اضغط على الصورة لرؤيتها بالحجم الطبيعي

رد مع اقتباس
 
   
قديم 27-12-2008, 05:09 PM رقم المشاركة : 7
معلومات العضو
عضو برونزي

إحصائية العضو






النشمي is on a distinguished road

 

النشمي غير متواجد حالياً

 


كاتب الموضوع : binhlailبن هليــل المنتدى : قوافل الدواوين الشــعرية
افتراضي رد: ديوان بن جدلان...؟؟؟؟

مشكور والله يعطيك العافيه







رد مع اقتباس
 
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 12:33 PM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
Ads Management Version 3.0.1 by Saeed Al-Atwi
الحقوق للقوافـل العـربية: جوال الرسائل 966553850455+

a.d - i.s.s.w

RSS 2.0 RSS XML MAP HTML Sitemap ROR