عدد الضغطات : 3,309
عدد الضغطات : 1,507
إظهار / إخفاء الإعلاناتالتميز
حقوق الملكية الفكرية : أنظمة المملكة العربية السعودية تمنع نسب أي منتج فكري لغير صاحبه المؤلف او المكتشف او الصانع لذا نهيب بالجميع الإلتزام بذلك وسوف يحذف أي منتج فكري مخالف مساحة إعلانيه

   
العودة   القوافل العربية > ۞۞۞۞۞القوافل الأدبيـة۞۞۞۞۞ > قوافل الدواوين الشــعرية
 
قوافل الدواوين الشــعرية صلاحية الإدارة والمشرف العام

الإهداءات

إضافة رد
 
أدوات الموضوع
   
قديم 17-09-2007, 11:10 PM رقم المشاركة : 1
معلومات العضو

الصورة الرمزية binhlailبن هليــل

إحصائية العضو







binhlailبن هليــل تم تعطيل التقييم

 

binhlailبن هليــل غير متواجد حالياً

 



الاوسمة

المنتدى : قوافل الدواوين الشــعرية
Arrow ۞ديوان صاحب السمو الملكي الأمير خالد الفيصل...۞

ديوان الشاعر : صاحب السمو الملكي الأمير خالد الفيصل
[اضغط على الصورة لرؤيتها بالحجم الطبيعي]


اضغط على الصورة لرؤيتها بالحجم الطبيعي
حدّني وقتي على شـيٍ جديـدي السهر ماهوب من عادة عيوني

أبعدوني عن هوى بالي وسيدي ومنعوا عنّي خطوطه ياصلوني

شطروني عنه في دارٍ بعيـدي حسبي الله كانهم منه قطعونـي

صارت الفرقا لنا علمٍ وكيـدي ليتهم راحوا وانا عنده نسونـي

عاقني عن صاحبي سورٍ حديدي دونه البحور حـرّاسٍ ودونـي

الرجا بك يابو خالد يا عضيدي لا تخلينـي تراهـم عذّبونـي

اضغط على الصورة لرؤيتها بالحجم الطبيعي

غريـب والله يـا حبيبـي هوانـا
نستعذب الأشواق ما نطفي الشـوق

شوقي وشوقك هايـمٍ فـي سمانـا
في ناظري حيره وفي ناظرك موق

نطرد سرابٍ في صحاري ظمانـا
لا فيـه ميـرادٍ ولا حاصـلٍ ذوق

يـومٍ يبعّدنـا ويــومٍ دعـانـا
ويوم يلبّسنا خيال الهـوى طـوق

طيـفٍ يرغّبنـا وطيـفٍ نهانـا
فوق الثرى نمشي وحلم الهوى فوق

خيالنـا مـن كـل نبـعٍ سقـانـا
وأيامنـا تسـوق عبراتنـا سـوق

ميعادنـا عنـد التمنّـي نسـانـا
وظروفنا تزرع على دربنا عـوق
اضغط على الصورة لرؤيتها بالحجم الطبيعي
سمرت بصحبة حروف القوافي
احملهـا تناهـيـت خـوافـي
اشكل بالحروف الوان صـوره
احركها من المعنـى بصافـي

اشيل الحرف من معنى لمعنـى
واجاري ما زهر واظهر بخافي

والى مني عطيت الحرف ونـه
بها حرفي على النجمات طافي

يقوم كـل نجـم مـن منامـه
أنا ما نيب اسامر نجم غافـي

يجيني كل نجـم منـه معـن
ولا قد قلـت للنجمـات كافـي

تصور لـي دمـوع وابتسـام
من عيون تقصوت ما تشـافِ

ألا يا نجم يـا عالـي تبصـر
شف بعين المحبه عين وافـي

وخبرني عن علومـه وحالـه
عسى قلبه مع الأشـواق دافـي

ولو ممشاي في جمـر يفيـده
مشيت بجمرها كنـه عوافـي

ولكن وش يفيده لـو ذبحنـي
ومن يوصف جماله عقب قافي

اضغط على الصورة لرؤيتها بالحجم الطبيعي

فدوة عيونك لو غدت روح مغليـك
وش عاد لوراحت لعينـك عشايـر

ابيع مايغلى على الكـون واشريـك
واسوق لى جتنـى علومـك بشايـر

وازعل جميع الناس بالحيل وارضيك
واصبر ولـودارت علـى الدوايـر

وآخذ من ايامي لك ايـام واعطيـك
وان راح عمري لك فلا هو خسايـر
اضغط على الصورة لرؤيتها بالحجم الطبيعي

سحاب انا من بدة الناس مغليـك
اغلى على من الهوى في حياتى

سحاب سميتك على غيث واليك
ياغيث قلبى فرحتـى يانجاتـى

اخايل بروقك واراعي مناشيـك
واشفق على هل المطر منك ياتى

سبحان من علاك عن كل راجيك
ارض تعداهـا حياهـا فواتـى

هواك طوفنى معك في مساريك
من فوق أناظر قالبيـن العباتـى

اضغط على الصورة لرؤيتها بالحجم الطبيعي

عـز القصيـد وزاعلتنـى حروفـه
من يوم غاب اللي قصيدي ... مهاويه

غابت بـه الدنيـا وخلـت طيوفـه
عزي ... لمن مثلى زمانـه يعاديـه

عقب الملاقي بـس بالقلـب اشوفـه
وعقب المناجي .. بس بالفكر اناجيه

كلامي وشوفي لغيـره ... حسوفـه
من غيره يخاوي غريبـي واخاويـه

يالوعـه المشتـاق تصفـق كفوفـه
لين التفت ماشـاف بالـدار غاليـه

كن العيـون بكـل شيـن محذوفـه
والقلب كن جموع ... الأيام ترميـه

تسابقنـي مـن زمـانـي سيـوفـه
تجرح مرادي .. في حياتي وترميـه

ياعونـه الرحمـن . ويـن النكوفـه
لين انتحي ... الخفاق وش عاد يثنيه

مارحت ادور عنـد خلـى مروفـه
مايرحـم الا الله فـلا شـك مغليـه

اضغط على الصورة لرؤيتها بالحجم الطبيعي

سريت ليل الهوى لين انبلـج نـوره
امشي على الجدي وتسامرني القمـرا

طعس وغدير وقمر ونجوم منثـوره
انفاس نجد بها جـرح الدهـر يبـرا

يا نجد الاحباب لك حدر القمر صوره
طفلة هلال وبنت اربع عشـر بـدرا

حبيبتي نجد عينـي فيـك معـذوره
معشوقة القلب فيهـا للنظـر سحـرا

فضة شعاع القمر في نجد مسحـوره
من شاف لمع قمر في خـدة سمـرا

اضغط على الصورة لرؤيتها بالحجم الطبيعي

لو يبور الملأ ما أحسب حبيبـي يبـور
وأحسب اني أموت ... ولايمـوت الوفـا

وأحسب انه على هاك المودة ... غيـور
ما احسب ان الشعاع .. اللي بقلبـه طفـا

كيف يانور عينى ... وانت للعين نـور
يختفي نور وصلك في ظـلام ... الجفـا

اثر قلبك على فرقـا الولايـف جسـور
واثر ... طرفك اليا سهرت عيوني غفـا

وين هاك الونين ... اللي يشق الصـدور
وين هاك الدموع ... اللي تشـق الصفـا

كل حـي ٍ اليـادارت لياليـه ...يـدور
كل قلب اليا ... عفـت جروحـه عفـا

ويل قلب توالت فـوق جروحـه كسـور
كل جرح الهوي ... ياصاحبـي ماكفـا

التمس لك عذر ... لو كان ما أنت معذور
وان جحدت المـوده بـان لـك ماخفـا
اضغط على الصورة لرؤيتها بالحجم الطبيعي
طــــــال الــســفــر

والمنتـظـر مــل صـبــره
والشوق يا محبوب في ناظري شاب
رد الــــنــــظـــــر
خلـيـت بـالـكـف جـمــره
سعيرها في داخـل القلـب شبـاب
عــــــز الــخــبـــر
والمهـتـوي ضــاق صــدره
يا من يرد العلم عن هاك الأحبـاب
طــيــفــه عـــبـــر
ما أرسـل مـع الطيـف عـذره
هو خاطره من لوعتي ما بعد طاب
هــــو مــــا ذكــــر
أن الجـفـا فـيــه كـســره
للخافق اللي من هوى صاحبـه ذاب
يــــا مــــا ســهــر
طرفـي علـى حـبـس عـبـره
اردهـا والوجـد للدمـع جــذاب
دمــــــعٍ حـــــــدر
جالـه علـى المـنـع جـسـره
عظيم وجدي للدمع شـرع البـاب
يــــــوم وشـــهـــر
عـــزاه والـعـمـر مـــره
والناس واجد لكن الولـف غـلاب

اضغط على الصورة لرؤيتها بالحجم الطبيعي

ليالى نجـد مامثلـك ليالـي
غلاك اول وزاد الحب غالي

ليالي نجد للمحبـوب طيبـي
امانه نـور عينـى ياليالـي

حبيبي لى ذكرت انه حبيبـي
دريت انى حظيظ وزان بالي

على شانه تهاونت المصايب
اذوق المر لاجل رضاه حالي

والى من الزمان اشتد حـره
لقيت بقرب مظنوني ظلالـي

عفا الله عنه مما جانـي اول
غسل حبه جميع الهـم تالـي

اضغط على الصورة لرؤيتها بالحجم الطبيعي

كحيـلـه مـهـرتـي
وخيالتي من كل اصيل

ألقـى عليهـا طربتـي
بين المعنـق والشليـل

صدر وقطـاة فلوتـي
العنق والساق الطويـل

وقع الحوافـر نغمتـي
وحداتنا رجع الصهيـل

أبوي وجـدي قدوتـي
لو ما لهم عندي مثيـل

بالدين تفخـر عزوتـي
والرمح والسيف الصقيل

ماكر حـرار ديرتـي
ما في هل العوجا ذليـل

اضغط على الصورة لرؤيتها بالحجم الطبيعي

لو نسيت العمر ما انسى دمعتك
صرخة ذابت من عيونك دموع

ترتعش مرتاعة فـي وجنتـك
وانتفض قلبي لها بين الضلوع

أزعجت صمت الليالي عبرتك
بالخفا ثوره وبالظاهر خشـوع

تسكب الدمعه وتظمى نظرتـك
مشهد النظرة وهي تظمى يروع

يا ضياع العمر ضيعة بسمتك
ضاع معها خافق مثلك جزوع

ليت من يمتص جارح لحظتك
والفرح يشعل دياجيرك شموع

اضغط على الصورة لرؤيتها بالحجم الطبيعي

ايـوه قلبـى عليـك التـاع
مايحتمـل غيبـتـك ليـلـه

عسـاه عسـاه مايـرتـاع
عليـك يانـافـل ٍ جيـلـه

غنيت يابـو عيـون وسـاع
من غيرك اقصد واغنى لـه

معذور لو صرت بك طمـاع
مـن حبكـم مالنـا حيـلـه

القلـب مـن يمكـم نــزاع
لوحاولـو صعـب تحويلـه

مانيب مـن عاذلـى سمـاع
والله ماقـطـع مواصيـلـه

من لام راعى الهوى خـداع
سيـور الايـام تبـدى لـه

ماضاع عمرى معك لو ضاع
ماضـيـه والا مقابـيـلـه

سلمت لـك خافـق ٍ جـزاع
عسـاك يازيـن تـاوي لـه
اضغط على الصورة لرؤيتها بالحجم الطبيعي

يا طارد اللي راح خله وملـوه
ما يستقيم الظل لا عوج عـوده

ولا ينفع الندمان قولة حـولاه
جحر لدغ يمناك لا لا تعـوده

مد النظر في خلق ربي تمعنـاه
إلى انتقص من حال حال يزوده

الله جعـل للمبتلـي داه ودواه
وكل على عزمات قلبه حـدوده

اضغط على الصورة لرؤيتها بالحجم الطبيعي

قصيدتي منك مجروحـه
اخلفتني واختلف شعـري

يا ونتي منـك مبحوحـه
لو ما طلع صوتها عذري

ذي رايتي منك مطروحه
طرحتها وانت ما تـدري

شف دمعة الشوق مسفوحة
والوجد في ملحها يسـري

مواجع القلـب مفتوحـه
داريتها واحترق صدري

حمامه الوصل مذبوحـه
يا خوفتي قبرهـا قبـري

اضغط على الصورة لرؤيتها بالحجم الطبيعي

كل مانسنس
كلما نسنس من الغربي هبوب
حمل النسمة سلام
وان لمحت سهيل في عرض الجنوب
.. عانق رموز الغرام
لك حبيب ما نسا .. كلمته دايم عسى
اطلب الله وارتجيه .. صبح يومي والمسا

كل زين اشهاده وانتم بعيد منوتي ليتك معي
وان سهرت الليل اهوجس بك واعيد هل لاجلك مدمعي
وانت هاجس خاطري .. وانت فرحة ناظري
يا قريب ويا بعيد .. فيك امس وحاضري

نشوتك تلعب مع قطر المطر .. وانتشى قطره معك
والسحاب يطاردك بين الشجر خالق الزين ابدعك
الندى في وجنتك .. صار عطر بلمستك
والهوى غنى طرب .. تستثيره بسمتك

كلما ضمت عيوني منك طيف يا بعد كل الطيوف
قلت ما مثلك على الدنيا وصيف لا حشا مالك وصوف

لا سحاب ولا مطر .. لا نسيم ولا زهر ..
لا طيور ولا زهر .. ولا مع باقي البشر

اضغط على الصورة لرؤيتها بالحجم الطبيعي

غريـب والله يـا حبيبـي هوانـانستعذب الأشواق ما نطفي الشـوق

شوقي وشوقك هايـمٍ فـي سمانـافي ناظري حيره وفي ناظرك موق

نطرد سرابٍ في صحاري ظمانـالا فيـه ميـرادٍ ولا حاصـلٍ ذوق

يـومٍ يبعّدنـا ويــومٍ دعـانـاويوم يلبّسنا خيال الهـوى طـوق

طيـفٍ يرغّبنـا وطيـفٍ نهانـافوق الثرى نمشي وحلم الهوى فوق

خيالنـا مـن كـل نبـعٍ سقـانـاوأيامنـا تسـوق عبراتنـا سـوق

ميعادنـا عنـد التمنّـي نسـانـاوظروفنا تزرع على دربنا عـوق
اضغط على الصورة لرؤيتها بالحجم الطبيعي

لايطول غيابك ... ثـم اخـذ عليـه
لو تخليت عنى ... عنك قلبي ماتخلى

العذر والتعلل والحكـي ... مانبيـه
من تحرك فؤاده ... بالهوى ماتخلـى

طبعي الصبر لكن وش عليه ارتجيـه
من طويل الصبر يعقوب وايوب ملا

دامني حي عطني وش بقي نحتريـه
مابي دموعك ...اللي عقب موتي تهلا

مابقي بالعمر مقـدار مـاراح فيـه
كل مازل يومٍ ... يوم بالعمر ولـى

مايعرف الجمر مثل الـذي يكتويـه
احد يدفا بناره ... واحد فيه يتصلـى

يامن القلـب حطيتـه براحـة يديـه
مارضى له مكان غير كفـك محـلا

كم تعذر وعيا عن هـوى محتويـه
لين طاح بيمينـك بالغـرام وتجلـى
اضغط على الصورة لرؤيتها بالحجم الطبيعي

يـا ساعـة الفرحـه تشوقـت للعيـد
عيد العيـون وعيـد قلـب الصبابـه

رد الجمال لشوفتي يـا اتلـع الجيـد
واسحب على حرفي لحـون الربابـه

حرفي بصوتك يا اجمل الصوت تغريد
يا رمز حبـي هـاك رمـز الكتابـه

يا صبح عمـر فيـك للعمـر تجديـد
وحبـك يجـدد كـل يـوم شبـابـه

للعيـن والقمـرا وحسنـك مواعيـد
وليل الهوى شـرع للأحبـاب بابـه

ياما زعجت الصوت باسمك تراديـد
ويامـا نسيـم الوجـد يمـك سرابـه

ويامـا تمنيتـك علـى باقـي الغيـد
واقول مثلك يا غلا الـروح مـا بـه

ابيك تهوى مثل مـا اهـواك وتزيـد
يا من خفوق القلب حسنـك غـدا بـه

يا قطرة الغيمـه علـى يابـس البيـد
رد الحيـاة لخافقـي يــا ذهـابـه

اضغط على الصورة لرؤيتها بالحجم الطبيعي

يالـمـعـرفـه يــامــا سـعـيــتادّورك وانــــــت شــــــرود

امشي واصوت بالحياة ... يامن لقيت الذاهبهدخــلــت ادور كــــل بــيــت

وظــهـــرت ادّوج بـالـنّــفــودواسأل مراكيب الزّمان ... الشارقه والغاربه

ولـســاري النّـجـمـه ســريــتلــعــل نـجـمـاتـي تــجـــودْ

يا شاهدةْ سرّ الزمان ... عطيني سرّ الغايبهسـافــرت لـلـبـعـد ومـشـيــت

اتــبــع فـوانـيــس الــوجــودوازور واحات القلم ... عند العجم والعاربه

عـــوّدت لـلـحــرف وقــريــتأبــــي مــــن الـكـلـمـه ردود

لقيت كتّاب الفلاه ... تطرد نيـاقٍ هاربـهيالمـعـرفـه دونــــك غــديــت

والـحـد مـــن فـوقــه حـــدودوالمدّعين المعرفه ... أجهل من اللي طالبـه

أبـعـد مـــن أيـامــي مـشـيـتوالـحـمـل بـالـكـاهِـل يــــزودْ

رِجلٍ تورّدني خطر ... ورِجلٍ تأخر هايبهلله تــوجّــهــت ودْعـــيـــت

الـخـالــق الــفــرد الــــودوديدّلني درْب الرشاد ... درْب العباد التايبـه
اضغط على الصورة لرؤيتها بالحجم الطبيعي

ليه اذا حبيتـك اكثـر زدت قسـوهوان دريت بحاجتي لك زدت جفـوه

وان عطيتك من حياتـي ماتريـدهماكفاك .. وتحسب ان الحب نـزوه

والله أني يااحـب النـاس ..احبـكوالله ان الروح لو ترضيـك فـدوه

والله اني تاركٍ غيـرك ..وجيتـكمزعل الزعـلان والعـذال عنـوه

كل دقة قلـب فينـي لـك قصيـدهتكفي الدنيا مـع الاحبـاب غنـوه

وكل هاجس مايجيـب الا خيالـكسلوتي بالعمر .. في صحوه وغفوه

اجمع احساسي واشواقـي واجيلـكوالبس ثياب الهوى والعشق كسـوه

وانتقي لك مـن سواليفـي حسنهـاوالقصايد من غزلهـا كـل حـروه

وانثرالضحكات والعبـرات عنـدكاو اقول اني احق النـاس فضـوه

ادري انـي عـاديٍ مافيـه ميـزهوادري اني كادحٍ ما حـاش كـروه

وادري اني في خريف العمر ماضيمابقى بيني وبيـن القبـر خطـوه

لكن اني صـادقٍ فـي مـا اقولـهواطلب من الله عن الـزلات عفـوه
اضغط على الصورة لرؤيتها بالحجم الطبيعي

قالوا علامك قلت ما بي خلاف
ما بي بلا يا كود فرقى المحبين

الحب لو يجحد عليلـه يشـاف
يدري به اللي عارف لوعة البين

شئ يشاف وشئ بالجوف خاف
عشر تبين وخافي منه تسعيـن
اضغط على الصورة لرؤيتها بالحجم الطبيعي

هب نسناس الهوا لي من شمـالحامل ريـح الخزامـي والنفـل

من فياضٍ ظبيهـا يلعـب دلاللى لمح ظله من النشـوه جفـل

يذبح العشـاق صعـاب المنـالكم شطير بالقناصـة قـد قتـل

مثل شمس العيد فضاح الجمـالكل نجم لا ظهـر نـوره افـل

خصني بمواجه السحر الحـلالواشهد ان السحر في قلبي نـزل

ضاري بمقابل فحـول الرجـالوارتعش قلبي من الفتنه خجـل

قلت راح العمر من دون الوصالقال لو حاولت يا القاطع حصـل

قلت لوني طامـع لـو بالخيـالكـان بدلـت التوجـد بالأمـل

يا ندى الغيمه على ورد الجبـاليا عبير زهور ريضان السهـل

اجتمع حسن الحلا بك والجـلالما تبدل بك مـع العالـم بـدل
اضغط على الصورة لرؤيتها بالحجم الطبيعي

قالت من انت ؟ وقلت مجموعة انسانمن كل ضد و ضـد تلقيـن فينـي

فيني نهار وليل وافـراح و احـزاناضحك ودمعي حاير وسـط عينـي

وفيني بدابة وقت و نها يـة ازمـاناشتاق باكر واعطي امسـي حنينـي

واسقي قلوب الناس عشقٍ وظميـانواهدي حيارى الدرب واحتار ويني

واحاوم صقور الهوا حـوم نشـوانواسيـل الوديـان دمـع حـزيـنِ

في عيني اليمنى من الـورد بستـانوفي عيني اليسـرا عجـاج السنيـنِ

تهزمني النجلا وانـا نـد فرسـانواخفـي طعونـي والمحبـه تبيـنِ

اما عرفتينـي فـلا نـي بزعـلانحتى انـا ترانـي احتـرت فينـي

اضغط على الصورة لرؤيتها بالحجم الطبيعي

سافرت ..

خمسين عام من الزمان

هي عمر؟

ولا على هامش زمان ..

هي حقيقة علم ؟

ولا هي سراب

هي مواجيع الدهر ؟

ولا حنان

في عجاج أيامها دربي يذوب

تاهت الخطوة وضيّعت المكان

أنشغل عن عمري بعمر آخرين

وانتبه

في لحظة غياب الأوان

مرّت الدنيا وأنا أرسم لوحتي

أرسم الفكرة على صهوة حصان

مرّت الدنيا وأنا شعري طفل

ماعصرت الروح

في حرف البيان

مرّت الدنيا

وأنا حلمي سحاب

فوق سرج الريح


مطلوق العنان

مرّت الدنيا

ولا أدري وش قضيت

من حوايج خاطري

ذكر وعيان

العمر ينقص

وحاجاتي تزود

عقب ماهي أربعٍ

صارت ثمان

سافرت كن الصحاري ما ازهرت

والمطر ماكنه أنبت قحويان

سافرت .. كن الليالي ما اقمرت

ماتقل سامرت نجماتٍ حسان

وماتقل غنّت حمامه بالهديل

والهوا ماهز عود الخيزران

سافرت

كن الحوادث ماجرت

وأصبحت سوالفي كانت وكان

يازماني حاجتي في ركعتين

غير رب الوقت

مالي فيه شان

الحزن في صوتك
اضغط على الصورة لرؤيتها بالحجم الطبيعي







التوقيع

اضغط على الصورة لرؤيتها بالحجم الطبيعي

رد مع اقتباس
 
   
قديم 18-09-2007, 12:01 AM رقم المشاركة : 2
معلومات العضو

الصورة الرمزية صقـر عتيبـة

إحصائية العضو






صقـر عتيبـة is on a distinguished road

 

صقـر عتيبـة غير متواجد حالياً

 



الاوسمة

كاتب الموضوع : binhlailبن هليــل المنتدى : قوافل الدواوين الشــعرية
رد: ۞ديوان صاحب السمو الملكي الأمير خالد الفيصل...۞

مشكوووووووووور وماقصرت على الديوان الجميل


تـــــقـــــ مرووووووووووووووووري ـــــــبــــل



صقـر عتيبـة







التوقيع

اضغط على الصورة لرؤيتها بالحجم الطبيعي
اضغط على الصورة لرؤيتها بالحجم الطبيعي

( عتيبة جناح الصقر وثبيـت هامتـه *** ولا يستـوي طيـر بغيـر جـنـاح )

رد مع اقتباس
 
   
قديم 20-09-2007, 12:01 PM رقم المشاركة : 3
معلومات العضو
مشرف الرياضية السعودية

الصورة الرمزية ! الموهوب !

إحصائية العضو







! الموهوب ! is on a distinguished road

 

! الموهوب ! غير متواجد حالياً

 



الاوسمة

كاتب الموضوع : binhlailبن هليــل المنتدى : قوافل الدواوين الشــعرية
افتراضي رد: ۞ديوان صاحب السمو الملكي الأمير خالد الفيصل...۞

الله يعطيك العافيه وعساك عند القوه







التوقيع

تـ ح ـت ج ــدآر الـصـ م ــتــ ،، . .!

رد مع اقتباس
 
   
قديم 21-09-2007, 10:52 PM رقم المشاركة : 4
معلومات العضو

مشرف مميز


الصورة الرمزية الــزعــيــم

إحصائية العضو






الــزعــيــم will become famous soon enough

 

الــزعــيــم غير متواجد حالياً

 



الاوسمة

كاتب الموضوع : binhlailبن هليــل المنتدى : قوافل الدواوين الشــعرية
افتراضي رد: ۞ديوان صاحب السمو الملكي الأمير خالد الفيصل...۞

مشكوور على الموضوع الرائع والجميل

لك خالص التحية







التوقيع

اضغط على الصورة لرؤيتها بالحجم الطبيعي

رد مع اقتباس
 
   
قديم 23-09-2007, 05:25 AM رقم المشاركة : 5
معلومات العضو

مشرف الأقسام الأجتماعية


الصورة الرمزية المستشــار

إحصائية العضو






المستشــار is on a distinguished road

 

المستشــار غير متواجد حالياً

 



الاوسمة

كاتب الموضوع : binhlailبن هليــل المنتدى : قوافل الدواوين الشــعرية
افتراضي رد: ۞ديوان صاحب السمو الملكي الأمير خالد الفيصل...۞

ما قصرت على نقل هذا الديوان

ياليت تجيب بقية دواوينه لو أمكن

لك

تحيااااااااااااااااااااااااااااااااااااتي







التوقيع

اضغط على الصورة لرؤيتها بالحجم الطبيعي

رد مع اقتباس
 
   
قديم 02-10-2007, 09:02 PM رقم المشاركة : 6
معلومات العضو
مشرف سابقا

الصورة الرمزية صقر الجزيره

إحصائية العضو






صقر الجزيره is on a distinguished road

 

صقر الجزيره غير متواجد حالياً

 



الاوسمة

كاتب الموضوع : binhlailبن هليــل المنتدى : قوافل الدواوين الشــعرية
افتراضي رد: ۞ديوان صاحب السمو الملكي الأمير خالد الفيصل...۞

مشكور على الموضوع الجميل والمميز







رد مع اقتباس
 
   
قديم 05-10-2007, 12:01 PM رقم المشاركة : 7
معلومات العضو
عضو نشيط

الصورة الرمزية راســم الــهــلال

إحصائية العضو






راســم الــهــلال is on a distinguished road

 

راســم الــهــلال غير متواجد حالياً

 


كاتب الموضوع : binhlailبن هليــل المنتدى : قوافل الدواوين الشــعرية
افتراضي رد: ۞ديوان صاحب السمو الملكي الأمير خالد الفيصل...۞

مشكوور بالفعل ديوان أكثر من رائع

مثل ماقال أخووي المستشار ياليت تجيب دواوين آخر

ننتظر مزيدك

تحياتي لك







رد مع اقتباس
 
   
قديم 07-09-2008, 02:57 PM رقم المشاركة : 8
معلومات العضو

الصورة الرمزية أميـرالقوافــل

إحصائية العضو






أميـرالقوافــل is on a distinguished road

 

أميـرالقوافــل غير متواجد حالياً

 



الاوسمة

كاتب الموضوع : binhlailبن هليــل المنتدى : قوافل الدواوين الشــعرية
افتراضي رد: ۞ديوان صاحب السمو الملكي الأمير خالد الفيصل...

بن هليل


الله يعطيك الف عافية على الديوان الجميل المميز وننتظر الجديد



لـــــــــــك تـــــــحـــــــيـــــــاااااااااااااااااااااااااا اااااااااااااااااتـــــــــي




أمير القوافل







التوقيع

اضغط على الصورة لرؤيتها بالحجم الطبيعي

رد مع اقتباس
 
   
قديم 27-12-2008, 05:06 PM رقم المشاركة : 9
معلومات العضو
عضو برونزي

إحصائية العضو






النشمي is on a distinguished road

 

النشمي غير متواجد حالياً

 


كاتب الموضوع : binhlailبن هليــل المنتدى : قوافل الدواوين الشــعرية
افتراضي رد: ۞ديوان صاحب السمو الملكي الأمير خالد الفيصل...

مشكور والله يعطيك العافيه







رد مع اقتباس
 
   
قديم 04-12-2011, 01:53 PM رقم المشاركة : 10
معلومات العضو
عضو نشيط

الصورة الرمزية دهن العود

إحصائية العضو







دهن العود is on a distinguished road

 

دهن العود غير متواجد حالياً

 


كاتب الموضوع : binhlailبن هليــل المنتدى : قوافل الدواوين الشــعرية
افتراضي رد: ۞ديوان صاحب السمو الملكي الأمير خالد الفيصل...۞

اضغط على الصورة لرؤيتها بالحجم الطبيعيوالله يعطيك العاافيه ولاهنت







رد مع اقتباس
 
إضافة رد

مواقع النشر (المفضلة)

أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 04:28 AM


Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
Ads Management Version 3.0.1 by Saeed Al-Atwi
الحقوق للقوافـل العـربية: جوال الرسائل 966553850455+

a.d - i.s.s.w

RSS 2.0 RSS XML MAP HTML Sitemap ROR