جريدة الرياض تنشر قصيدتي قي ملك الإنسانية

نشرت في هذا اليوم قصيدتي في خادم الحرمين الشريفين

على الرابط

http://www.alriyadh.com/2010/11/19/article578248.html
سلامات ياراع الصفات النبيله


سلامات يـاراع الصفـات النبيلـه
عيضه الثبيتي
سلامات ياراسً ما فوقك ولا راس
يقع رؤس ضلعان الحجاز الطويله
وسلامات يا يمنىً غمر جودها الناس
مثل مايغمر الارض وبل المخيله
وسلامات ياقلبً على الشعب حساس
وسلامات ياراع الصفات النبيله
وسلامات ياقصرًا جداره على ساس
وسلامات يادار السلوم الأصيله
عداك الألم والهمّ والغمّ والباس
وعدتنا الليال اللّي علينا ثقيله
يابو متعب أنحبّك بلا حدّ وقياس
ولو يشال عنك الباس حنا نشيله
واملنا بربٍ رحمته تغلب اليأس
ونكثر دعانا فالليال الفضيله
ياحصن الوطن يالدرع يالسيف يالطاس
ياخادم بيوت الله خدمه جليله
لعل السعد يبراك مع كل نسناس
وعسى أيام عمرك طال عمرك طويله


تحياتي وتقديري


النص من الجريدة كما نشرته

عيضة الثبيتي


صح لسانك واعتلا شانك

جزلة من شاعر عرف بالجزالة

والله يسلم ابو متعب

صح لسانك واعتلا شانك


ابداع وتستاهل تنشر لك يا راع الجزلات

والحمد لله على سلامة ملكنا

تستاهل



قصيدة مميزة من شاعر مميز في ملك مميز

يا سلام على الجزالة



ابداع لا هنت


لك التقدير

شاعرنا المبدع


اطلعت على النص بجريدة الرياض

بارك الله فيك وتمنياتي لك بمزيدا من التألق

لك تقديري

تستاهل النشر لانها جزله من شاعر جزل ودي واحترامي للجميع

صح لسانك

جزلة من شاعر جزل

وتستاهل النشر

شاعر مميز كما عهدناك

الله يشفي ابو متعب

وجعله ذخر للشعب السعودي

ابو فيصل ..


صح لسانك ... جزله من جزل وتستاهل النشر ..

ومايشوف شر ابو متعب .


كل التقدير
...

ابوفيصل صح لسانك والله يرد ابومتعب الي ارض الوطن سالم من كل مكروووووووووووووه ويطول الله بعمره في خير اللهم اميييييييييييييييين

ونتمنالك التوفيق ياشاعرنا والي الامام تحياتي اخوك العبيداني