سلام الله برديه لها بين الرجال علوم= لها بين الرجال علوم والايام مراره
انا اليومه معي بندق وسيف ومن قوايد قوم= وانا لي بندق(ن) مااخطي بها واطرح بها الشاره

هلا يامرحبا ترحيبةٍ صادر بها مرسوم= لكن احذر من الايام والايام دواره!!
ياراع البندق انص الفرس والسيف احتزه للروم=ولون الزمن هذا زمن مدفع وطياره!!

انا رجال مالي في يديه واشتري واسوم= احد راكب بعير اشقر واحد سافر بسياره
والا يااهل الوجيه الطيبه سمن الغنم معدوم= لكن ان طعتني خنا نحطك عمدة الحاره

نعرف ابن هليل والشلياني وابن خيشوم=وبيت المعرفه ياهل الوفا ماقل مقداره!!
انا خابرك ياعابد كريم ومن رجال اقروم=وعلى ماقيل كلاً من زنوده تشتعل ناره!!

انا خابرك عوام(ن) ليا شفت البحور تعوم= وعوام البحر يصطاد له حوته بسناره
علاك من العلوم الطيبه رسمه وصح النوم= لكن ادعس على البنزين واصحا تفلت الطاره

ترى دنياك ماتصفي واحد معطى واحد محروم=ولن عمنا البحر جبنا منه لؤله ومحاره!!
مالك عن يومك الماعود زود ورزقك المقسوم=نصيبك تاخذه لو شنة الغاره ورى الغاره!!

احد ياكل قفار القرص واحد ياكله ميدوم= لكن ان طعتني دور طبيب يحط نظاره
ليا منك بغيت الدوم ماباقي يكود الدوم= لكنك خذعلى سطح القمر ياصاحبي داره

كثير الناس قام يعاون الظا لم على المظلوم=لكن احتار فكري بين راع الصدق والباره!!
نبا نمشي على وضح النقا وانته قوي اعزوم= وترى مدفاعنا يزمي عن الجربوع والفاره!!