اخترت لكم من تجوالي بالمنتديات هذه القصيدة
يارب تعجبكم
ولع رماد الشوق يامعذبي نار=
من كان يحلم بأشتعال الرمادي=
ماكنت احسبنه يكون اللقاء حار=
لين التقينا واشبكتنا الأيادي=
قامت لنا الذكرى تغني على الطار=
تنساب بسماعي نغم حب هادي=
حسيت شي لفني مثل الأعصار =
وصحيت نشوةغلاك بفؤادي=
اخذت لي سجًه وانا شبه منهار=
بين الخيال وبين علم وكادي=
وفزيت يوم اني تنبهت وش صار=
مثل الذي توه صاحي من الرقادي=
تغير الموقف بلا سابق انذار=
وغير المشاعر جت مشاعر جدادي=
رديت لك عقب التجافي والأنكار=
اية جنون. .واية افكار ..واية مبادي=
تراي مليتها لعبة الثار=
محدن لعبها قبلنا واستفادي=
من دون لاتاصف ولاتبدي اعذار=
الوصل نساني هموم ابتعادي=
من رد للجنه عقب صالي النار=
حتى السموم يصير عنده برادي=
منقول والشاعر مجهول