راع الصدق لحق لخاله !!!

مساكم الله بالخير


مساكم محاورة

بعد العشاء إن شاء الله اللي يبيني أعلمه يقرب

يالربع منهو شاف راع الصدق لحق لخاله=مافيه حس ولا خير ياعسى مافيه باسي
غابوا زعل مدري رضا والفتى يدري بحاله=الشد يرخي والفلس خابره يطف الحماسي

حياك الله ياابا حازم وابشر بالخال والا بناخيه بعد العشاء يهجدونك ومساك شعر

صح لسانك بدعة رائعة


وين الرد

مساء الخير
هههههههههههههه
اي خير

يالربع هذا الرجل يسال وجيبوه بسواله= لايقعد يبابي ويكثر علينا فالحساسي

المزن خيل وانتبه ذر بيتك من خياله= لاتشغلك نفسك ولايشغلك ضرب التباسي

لا اله إلا الله

أمسنا وأمسى الملك لله

اللهم إني اسألك من خير هذه الليلة وخير ما فيها وأعوذ بك من شرها وشر ما فيها

طلع صحيح إن الولد بالبلد ماهو لحاله=يطرد لنفسه منشغل بالطعام وباللباسي
ماسده اللي في جيوبه ويحفش في حثاله=يوم الحشر يلقا محاسب على المخلوق قاسي

اللي يعاين لقمته ماعطاها الا عياله= واللي تقاعس ياابيض الوجه يقعد فالمحاسي

الذيب حاف ومن رقد ضاع ياالطيب حلاله= والعهد والميثاق ماينقضه غير الخساسي

اليوم جاني علم والله عليمٍ(ن)بالرساله=راع الصدق عينه بجاره وطامع بالكراسي
مدري مشحه فيه وإلا يخطط للنذاله=سلك الكهارب لن تقارب يعقب للتماسي

هات الخبر والعلم يااللي متابع للوكاله= اثرك ياجابر مع الناس مطنوخ وسياسي

اليا انتهى شهر ابتدى شهر ويدلك هلاله= احسب حسابك وانتبه لايخادعك النعاسي

كنت أتمنى تأخذ أنته على البيعه دلاله=لكن حظك واضح إنه مقرط بالفلاسي
مابه فؤائد يارفيقي من عيال الثعاله=هذا زمان البس والذئب رافق للبساسي